MUZZONE تەلەارناسىنىڭ EMA-2016 V ەۋرازيالىق مۋزىكالىق جۇلدەسىنىڭ ۇزدىك ورىنداۋشىسى ينديرا ەلەمەس ءوزى ءبىلىم العان ارىس قالاسىنداعى №8 ۆ.كوماروۆ اتىنداعى جالپى ورتا مەكتەبىندە بولىپ, ءبىلىم بىرگەن ۇستازدارىمەن جانە وقۋشىلارمەن كەزدەستى.
كەزدەسۋدە ي.ەلەمەس مۇمكىندىگى شەكتەۋلى 2 وقۋشىعا نوۋتبۋك سىيلاپ, اتالعان مەكتەپكە 10 كومپيۋتەر تارتۋ ەتتى. سونداي-اق, مەكتەپتە ءانشى اتىنان سىنىپ اشىلدى.
ونەر يەسى بۇل يگىلىكتى ءىسىن ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىمەن بايلانىستىرىپ, «تۋعان جەرگە, ونىڭ مادەنيەتى مەن سالت-داستۇرلەرىنە ايرىقشا ىڭكارلىكپەن اتسالىسۋ – شىنايى ءپاتريوتيزمنىڭ ماڭىزدى كورىنىستەرىنىڭ ءبىرى» رەتىندە باعالاپ وتىر.
ءانشى بۇل ءىسىن «تۋعان جەر» باعدارلاماسىن جۇزەگە اسىرۋعا قوسقان ءبىر ۇلەسى ەكەنىن ايتادى. بۇگىندە باعدارلاما شەڭبەرىندە وڭتۇستىكتە اۋقىمدى شارالار قولعا الىنعان.
عالىمجان ەلشىباي, وڭتۇستىك قازاقستان وبلىسى.