قوستانايدا ءبىرازدان بەرى تەرگەۋ ىستەرى مەن سوتى ءجۇرىپ جاتقان جانتۇرشىگەرلىك قىلمىستىق ءىستىڭ نۇكتەسى قويىلدى. پسيحياتريالىق اۋرۋحانانىڭ باس دارىگەرىن ولتىرۋگە قاتىسقان دارىگەر 25 جىل تۇرمەدە وتىرادى.
وسى جىلدىڭ اقپان ايىندا وبلىستىق پسيحياتريالىق اۋرۋحانانىڭ بۇرىنعى باس دارىگەرى راشيدا ساندىباەۆانى ايۋاندىقپەن ولتىرگەندەر ۇستالعان بولاتىن. ولاردىڭ سوتى اياقتالىپ, كىنالىلەرگە جازا قولدانىلدى. بۇرىنعى باس دارىگەردى ولتىرۋگە سۇرانىس بەرىپ, اقىسىنا 20 مىڭ دوللار ۋادە ەتكەن پسيحياتر دارىگەر زاۋرەش يزالدينا 25 جىلعا باس ەركىنەن ايىرىلدى. ول ورتا قاۋىپسىز كولونيادا وتىراتىن بولادى.
ونىڭ بۇرىنعى پاتسيەنتى رۋسلان عافاروۆ 24,5 جىلعا, باسكەسەرلەر بولات كيتيباەۆ پەن ۆيكتور كوداتەنكو 22 جانە 15 جىلدى ارقالادى. قىلمىسكەرلەردىڭ بارلىعى جازاسىن قاۋىپسىزدىگى بارىنشا تومەن كولونيالاردا وتەيتىن بولادى.
ءنازيرا جارىمبەت «ەگەمەن قازاقستان» قوستاناي