جاستار ساياساتى – بولاشاق كەپىلى

الماتى قالاسى اكىمدىگىنىڭ عيماراتىندا قازاقستان رەسپۋبليكاسى پرەزيدەنتىنىڭ جا­نىن­داعى جاستار ساياساتى جونىندەگى كەڭەستىڭ ءىح وتىرىسى بولىپ ءوتتى كەڭەس جۇمىسىنا ونىڭ مۇشەلەرى, استانا قالاسى مەن وزگە دە وبلىس اكىمدەرىنىڭ جانىنداعى جاستار ىستەرى جونىندەگى كەڭەستەردىڭ حاتشىلارى, قازاقستان پرەزيدەنتىنىڭ اكىمشىلىگى مەن پرەمەر-مينيستر كەڭسەسىنىڭ قىزمەتكەرلەرى, الماتى قالاسى اكىمدىگىنىڭ قۇرىلىمدىق بولىمشەلەرىنىڭ باسشىلارى جانە رەسپۋبليكالىق جاستار ۇيىم­دارى مەن بۇقارالىق اقپارات قۇرالدارىنىڭ وكىلدەرى قاتىستى. پرەمەر-مينيستر كەڭسەسىنىڭ باسشىسى عابي­دول­لا ءابدىراحىموۆتىڭ توراعالىعىمەن وتكەن وتى­رىستا كۇن تارتىبىنە قويىلعان «جاستار ساياساتى سالاسىنداعى نورماتيۆتىك قۇقىقتىق بازانى جەتىلدىرۋ تۋرالى» جانە «اۋىلدىڭ گۇلدەنۋى – قازاق­ستان­نىڭ گۇلدەنۋى» مارافون-ەستافەتاسىنا قاتىس­تى ماسەلەلەر تالقىلاندى. جاستار ساياساتىنا باي­لانىستى نورماتيۆتىك قۇقىقتىق بازا ماسەلەلەرى تۋرالى ءبىلىم جانە عىلىم مينيسترلىگىنىڭ جاۋاپتى حاتشىسى بولاتبەك ءابدىراسىلوۆتىڭ ەسەبى تىڭ­دال­دى. ال مارافون-ەستافەتانىڭ جۇمىس بارىسى ءجو­نىن­دە ءبىلىم جانە عىلىم مينيسترلىگى جاستار سايا­ساتى دەپارتامەنتىنىڭ ديرەكتورى ماديار قوجاح­مەت قىسقاشا بايانداما جاساپ, كەڭەسكە قاتىسۋ­شى­لاردىڭ سۇراقتارىنا جاۋاپ بەرىپ وتىردى. ودان وزگە, الماتى قالاسى اكىمىنىڭ ورىن­با­سا­رى سەرىك سەيدۋمانوۆتىڭ الماتى قالاسى اكىمىنىڭ جانىنداعى جاستار ىستەرى جونىندەگى كەڭەستىڭ قىزمەتى تۋرالى ەسەبى تىڭدالىپ, ەلىمىزدەگى ءىرى مەگاپوليستەگى جاستاردىڭ ماسەلەلەرى مەن الەۋمەتتىك سۇرانىستارىنا قاتىستى بىرقاتار تاقىرىپتار قوزعالدى. كەڭەس وتىرىسىنا قاتىسقان پارلامەنت ءماجى­لى­سىنىڭ دەپۋتاتتارى باقىت سىزدىقوۆا مەن مۇرات ابەنوۆ ءوز تاراپتارىنان جاستار تۋرالى زاڭ جو­باسىنا قاتىستى, جالپى بۇگىنگى جاستاردى مازا­لاي­تىن تۇيتكىلدى ماسەلەلەردى شەشۋدىڭ امالدارى مەن الەمدىك تاجىريبەدەگى جەتىك تۇستارىن ەسكەرۋ كەرەكتىگىن جانە الداعى كۇندەرى جاستارعا قاتىستى ماسەلەلەردى پارلامەنت قابىرعاسىندا قاراستىر­عاندا اتسالىساتىندىقتارىن جەتكىزدى. سونىمەن قاتار, وسى وتىرىستا كەڭەستىڭ 2012 جىل­عا ارنالعان جۇمىس جوسپارىنىڭ جوباسى تال­قىلاندى. الداعى جىلدارى كەڭەستىڭ وسىنداي وتى­رىستارى وزگە وڭىرلەردە دە ۇيىمداستىرىلۋى كەرەكتىگىن جيىلعان كوپشىلىك ءبىراۋىزدان ما­قۇلدادى. قانات ەسكەندىر, الماتى.