س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە اتا-اناسىنىڭ قامقورلىعىنسىز قالعان ستۋدەنتتەرگە 2017-2018 وقۋ جىلىندا ۋنيۆەرسيتەتتىڭ «دامۋ» قورىنان ارنايى ستيپەنديا تاعايىندالدى.
سونىمەن قاتار, ۋنيۆەرسيتەتتە ءبىلىم الىپ جۇرگەن الەۋمەتتىك جاعىنان از قامتىلعان ءار ستۋدەنتكە قىسقى كيىم الىپ بەرۋ ماقساتىندا قارجىلاي كومەك ءبولىندى. بۇل تۋرالى ۋنيۆەرسيتەتتىڭ ءباسپاسوز قىزمەتىنەن حابارلاندى.
«بۇل قاراجات ۋنيۆەرسيتەت جانىنان ارنايى قۇرىلعان «دامۋ» قورىنان ءبولىنىپ وتىر. «دامۋ» قورىنا كەلىپ تۇسكەن قاراجاتتىڭ بارلىعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ 60 جىلدىعى اياسىندا تۇلەكتەرىمىز قولداۋىمەن جۇزەگە اسىرىلىپ وتىرعانىن ايتا كەتۋ ورىندى. تاعدىردىڭ جازۋىمەن اتا-اناسىنىڭ قامقورلىعىنسىز قالعان, جانە الەۋمەتتىك از قامتىلعان ستۋدەنتتەرىمىزدى ءبىز ەشقاشان ۇمىتپايمىز. سوندىقتان ءبىز ولارعا ۇنەمى بارىنشا قولداۋ كورسەتىپ وتىرمىز», دەيدى ۋنيۆەرسيتەت رەكتورى اقىلبەك قاجىعۇل ۇلى.