ەلدىڭ رەيتينگىسى جوعارى

«31 قازان كۇنى دۇنيەجۇزىلىك بانك ءوزىنىڭ ءار جىلى وتكىزەتىن «Doing Business» رەيتينگىنىڭ بيىل­عى ەسەبىن جاريالادى. اعىم­داعى جىلى قازاقستان 36-ورىنعا يە بولىپ وتىر, وتكەن جىلى 35-ورىن بولاتىن. «Doing Business 2018» بايانداماسى كاسىپكەرلىك قىزمەتتى كەڭەيتۋگە ىقپال ەتەتىن جانە ونى شەكتەيتىن نورمالارعا باعالاۋ جۇرگىزەتىن دۇنيەجۇزىلىك بانك توبىنىڭ جىل سايىنعى باسىلىمىنىڭ سەرياسىنداعى 15-شىعارىلىم بولىپ تابىلادى. اتالعان زەرتتەۋدە 10 ينديكاتور بويىنشا 190 ەلدەگى بيزنەس-احۋالدىڭ قولايلىلىعى دەڭگەيىن سالىستىرۋعا مۇمكىندىك بەرەتىن ساندىق كورسەتكىشتەر قولدانىلىپ وتىر. قازاقستان رەيتينگتە يتاليا (46), بەلگيا (52), يزرايل (54), گرەكيا (67), تۇركيا (60) سياقتى ەىدۇ-نىڭ ەلدەرىن باسىپ وزدى. ەاەو كەدەن وداعى ەلدەرىنىڭ اراسىندا قازاقستان رەيتينگتە بەلورۋسسيا (38), مولدوۆا (44), ارمەنيا (47), قىرعىزستان (77) ەلدەرىنەن الدا تۇر. سونىمەن قاتار ەلىمىز «مينوريتارلى ينۆەستورلاردى قورعاۋ» ينديكاتورى رەيتينگىندە 190 ەلدىڭ ىشىندە 1-ورىنعا تابان تىرەدى. ال «كەلىسىمشارتتاردى ورىنداۋ» ينديكاتورىنداعى 6-ورىنمەن قازاقستان ەكى جىل بويى العاشقى ون ۇزدىك ەلدەر قاتارىندا ورنالاستى. «مەن­شىكتى تىركەۋ» ينديكا­تورى بو­يىن­شا 17-ورىندا. «تولەم قابى­لەت­سىزدىگىن شەشۋ» ينديكاتور­لارى بويىنشا 39-ورىن, «كاسىپ­ورىن­داردى تىركەۋ» 41-ورىن, «سالىق سالۋ» 50-ورىن, «قۇرىلىسقا رۇقسات الۋ» 52-ورىن, «ەلەكتر جەلىلەرىنە قوسىلۋ» 70-ورىن, «نەسيە الۋ» 77-ورىن, «حالىق­ارالىق ساۋ­دا» بويىنشا 123-ورىنعا تۇراق­تادى», دەدى دەپار­تامەنت ديرەكتورى. 

راۋان قايدار, «ەگەمەن قازاقستان»