جاقسى ادامدار كوپ قوي ومىردە. دۇنيەنىڭ وسىلاي تۇرعانىنا ولاردىڭ كوپ بولعانى سەبەپ ەكەنىن ەشكىم جوققا شىعارا الماس. قاتتى قينالعان ساتتەردە قول ۇشىن بەرگەن قايىرىمى مول جانداردىڭ ەڭبەكتەرىن قالاي ماقتاساڭ دا جاراسادى. جاقسىدان شاراپات كورىپ جۇرگەن ادامنىڭ ءبىرى رەتىندە وسىنداي ازاماتتارعا گازەت ارقىلى العىسىمدى جەتكىزگىم كەلەدى.
جۋىردا مەن ءۇشىن ۇلكەن قۋانىش بولدى. ءپاتەرىمنىڭ ىستەن شىققان بالكونى مەن توزىعى جەتكەن قۇبىرلارى جوندەلىپ, ادام تانىماستاي ادەمىلەندى. ارينە, بۇل يگىلىكتى, ساۋاپتى جۇمىسقا ۇيىتقى بولعان شاحتينسك قالاسى اكىمىنىڭ ورىنباسارى ن.رىستين, «تاۆيس» جشس-ءنىڭ پرورابى نيكولاي الەكساندروۆيچ جانە قۇرىلىسشى-جۇمىسشى ج.رۋسلان جانە وزگە دە ازاماتتارعا شەكسىز ريزاشىلىعىمدى بىلدىرەمىن. قازىرگى تاڭدا جالعىز تۇرىپ جاتقان مەن ءۇشىن بۇل كومەكتىڭ كولدەي ەكەنىن ايتۋدىڭ ءوزى ارتىق. اكەم شاحتادا جۇمىس ىستەپ ءجۇرىپ وپات بولسا, انامنىڭ دۇنيە سالعانىنا دا ەداۋىر بولدى. ال, بىرگە تۋعان اپايىم الىستا, الماتىدا تۇرادى.
ساۋاپتى ءىس جاساۋدى جاندارىنا سەرىك ەتكەن ازاماتتاردىڭ وتباسىنا اماندىق, دەندەرىنە ساۋلىق تىلەۋدەن مەن قاشاندا جالىقپايمىن. ولاردىڭ جولدارى اق بولسىن دەمەكپىن.
سۆەتلانا قاراباەۆا.
قاراعاندى وبلىسى,
شاحتينسك قالاسى.