سىر وڭىرىندە باسقارما باسشىسى تاعايىندالدى

وبلىس اكىمىنىڭ وكىمىمەن دۇيسەباەۆ تالعات تۇرسىن ۇلى قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى لاۋازىمىنا تاعايىندالدى.

ت. دۇيسەباەۆ 1973 جىلى تۋعان. قىزىلوردا پوليتەحنيكالىق ينستيتۋتىن «بۋحگالتەر-ەكونوميست», قازتۇتىنۋوداعى قاراعاندى ەكونوميكالىق ۋنيۆەرسيتەتىن «زاڭگەر» ماماندىقتارى بويىنشا بىتىرگەن.

ەڭبەك جولىن جالاعاش اۋداندىق جاسوسپىرىمدەر سپورت مەكتەبىندە دەنە شىنىقتىرۋشى رەتىندە باستاعان.

1994-2004  جىلدارى جالاعاش اۋداندىق ءبىلىم ءبولىمىنىڭ ەسەپشىسى, جالاعاش اۋدانى اكىمى اپپاراتىنىڭ ەكونوميكا جانە كاسىپكەرلىكتى قولداۋ سەكتورىنىڭ باس مامانى.

2004-2014 جىلدارى قىزىلوردا وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ ءبولىم باستىعى, قىزىلوردا وبلىسىنىڭ اۋىل شارۋاشىلىعى باسقارماسى باستىعىنىڭ ورىنباسارى, قىزىلوردا وبلىسىنىڭ اۋىل شارۋاشىلىعى باسقارماسىنىڭ باسشىسى.

2014 جىلدىڭ مامىر ايىنان باستاپ وسى كەزگە دەيىن جالاعاش اۋدانىنىڭ اكىمى قىزمەتىن اتقارىپ كەلدى.