بىرنەشە قازاندىق كەشەندەرى قالانىڭ بالانسىنا وتەدى, دەپ حابارلادى استانا اكىمدىگىنىڭ مەديا ورتالىعى.
«كوكتال» اۋدانىنداعى 6 كوپقاباتتى ءۇيدىڭ تۇرعىندارىن مازالاعان جىلۋ ماسەلەسىنىڭ ءۇزىلىپ قالا بەرۋى, بيىل قايتالانبايدى. تىلەنديەۆ داڭعىلى بويىنشا ورنالاسقان «اق وتاۋ», «جەتىجول», « ۇلىتاۋ», «اق تىلەك», «كوكتال-2» تۇرعىن ءۇي كەشەندەرىنىڭ قازاندىقتارى قالانىڭ بالانسىنا اۋىستىرىلدى. بۇرىن قازاندىق جەكەنىڭ قولىندا بولعاندىقتان جىلۋدىڭ تاريفتىك باعاسى ءۇش ەسە قىمبات بولاتىن. تۇرعىندار مۇنداي باعانى تولەۋدەن باس تارتقاندىقتان, ولار جىلۋدى الا المايتىن.
«بۇگىندە اكىمنىڭ تاپسىرماسىمەن 6 تۇرعىن ءۇي كەشەنىنىڭ قازاندىقتارى «استانا-ەنەرگيا» اق كەشەنىنە تابىس ەتىلدى. ءبىز ءتاريفتى قالاداعىداي 1 گكال ءۇشىن 2896 تەڭگە ەتىپ بەكىتتىك. سول سەبەپتى, 2017-2018 جىلى جىلىتۋ ماۋسىمى كەزەڭىندەگى ماسەلە الىنىپ تاستالدى. قازىر بارلىق پروتسەدۋرالىق ماسەلەلەر شەشىلىپ جاتىر, كەلەسى جىلى اتالعان ۇيلەر ورتالىق جىلىتۋعا قوسىلاتىن بولادى», - دەدى ەنەرگەتيكا باسقارماسى باسشىسىنىڭ ورىنباسارى ەربول تولەۋوۆ.
قازىرگى تاڭدا ەنەرگەتيكتەردىڭ مالىمەتىنشە, جىلىتۋ ماۋسىمى شتاتتىق رەجيمدە ءوتىپ جاتىر. بەكىتىلگەن رەجيم كارتاسىنا سايكەس, تەمپەراتۋرالىق رەجيم كورسەتكىشىن ۇستاپ تۇر.