وبلىس اكىمى قۇمار اقساقالوۆ پەتروپاۆل قالاسىندا قولدانىسقا بەرىلگەن 126 جانە 75 پاتەرلى ۇيلەردى ارالاپ, باسپانا يەلەرىمەن تىلدەستى. پاتەر يەلەرى مەملەكەتتىك قولداۋدىڭ ارقاسىندا كەڭ ءارى جىلى ۇيگە يە بولعاندارىن ۇلكەن قۋانىشپەن جەتكىزدى.
وڭىردە مەملەكەتتىك تۇرعىن-ءۇي باعدارلاماسى قارقىندى جۇزەگە اسىرىلىپ كەلەدى. 2016 جىلى 619 پاتەرلى 7 ءۇي ىسكە قوسىلدى. بىلتىر «نۇرلى جەر» باعدارلاماسى اياسىندا 50 مىڭ شارشى مەتر , بيىل 83 مىڭ شارشى مەتر باسپانا تۇرعىزىلدى.
تۇرعىن-ءۇي قۇرىلىس جيناق بانكى ارقىلى بيىل 4 ءۇي قولدانىسقا بەرىلدى. جىل سوڭىنا دەيىن 222 پاتەرلى 3 يپوتەكالىق ءۇي جانە 400 پاتەرگە شاقتالعان جالگەرلىك-كوممۋنالدىق 4 ءۇي بوي كوتەرەدى
«بيىل 11 تۇرعىن ءۇي قولدانىسقا بەرىلەدى. ءسويتىپ 1003 وتباسى جايلى پاتەرلەرگە يە بولادى. ونىڭ 400-ءىن الەۋمەتتىك قورعالماعان توپتار, ونىڭ ىشىندە كوپ بالالى انالار, مۇگەدەكتەر الاتىن بولادى»,- دەدى قۇمار ىرگەباي ۇلى.
ءسوز اراسىندا 2012 جىلدان بەرى پەتروپاۆلدا بار بولعانى مىڭ پاتەر بەرىلسە, تەك بيىلدىڭ وزىندە وسىنشاما باسپانا حالىق يگىلىگىنە تاپسىرىلدى.
كەلەسى جىلى 15 ءۇي سالىنىپ, 1660 وتباسى قونىس تويىن تويلايدى. تۇرعىن ۇيلەر نەگىزىنەن بەرەكە, جاس وركەن شاعىن اۋداندارىندا جانە جۋكوۆ كوشەسى بويىندا تۇرعىزىلادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.