جاپوندىق «NHK» تەلەراديوكومپانياسى ءوز كورەرمەندەرىنە قازاقستان جانە «استانا ەكسپو-2017» حالىقارالىق كورمەسى جايىندا 110 مينۋتتىق باعدارلاما تاراتتى.
ارنايى جوبانىڭ اۆتورى, تانىمال جاپوندىق جۋرناليست – وكوشي كەنسۋكە. وسى جىلدىڭ شىلدە ايىندا قازاقستانعا جاپون تەلەارناسىنىڭ ءتۇسىرىلىم توبى كەلىپ, ەلىمىزدىڭ – اتىراۋ, قاراعاندى, سەمەي, اقتاۋ, الماتى جانە ت.ب وبلىستارىنا ىسساپارمەن بارىپ قايتقان بولاتىن.
اتالمىش جوبادا جاپوندىق ارىپتەستەر مەملەكەتىمىزدىڭ دامۋى جايىندا, قازاقستاندىقتاردىڭ تۇرمىس-تىرشىلىگىن, مادەنيەتى مەن سالت-ءداستۇرىن كەڭىنەن كورسەتتى. جاپون جۋرناليستەرىنىڭ ايتۋىنشا, بۇل قازاقستان جايلى جاپون تەلەۆيزياسى تاريحىنداعى كورسەتىلگەن ەڭ العاشقى دا اۋقىمدى باعدارلاما.
سونداي-اق جوبا اياسىندا, باعدارلامانىڭ تۇتاستاي ءبىر بولىگى «QAZAQSTAN» رەسپۋبليكالىق تەلەراديوكورپوراتسياسىنىڭ قىزمەتىنە ارنالعان, اسىرەسە ۇلتتىق ارناداعى وزگەرىستەردى ەرەكشە اتاپ وتكەن. جوبا جەتەكشىسى وكوشي كەنسۋكە استاناعا ءوزى ارنايى كەلىپ, شىعارماشىلىق توپپەن بىرقاتار باعدارلامالاردىڭ تۇسىرىلىمىنە قاتىسىپ, باسقارما توراعاسى ەرلان قاريننەن سۇحبات الدى. جاپوندىق ارىپتەستەردى تەلەراديوكورپوراتسيانىڭ جۇمىس بارىسى, تەلەارناداعى وزگەرىستەر, بىرەگەي فورماتتا شىققان جاڭا دا, تىڭ جوبالار ءتانتى ەتتى.
ايتا كەتەيىك, بۇل باستاما «NHK» جانە «QAZAQSTAN» تەلەراديوكورپوراتسيالارى اراسىنداعى ىنتىماقتاستىق ورناتۋداعى ەڭ العاشقى قادام بولماق.
سونىمەن قاتار, وسى جىلدىڭ قازان ايىندا تەلەراديوكورپوراتسيانىڭ دەلەگاتسياسى جاپونياعا ىسساپارعا بارۋدى جوسپارلاپ وتىر. وندا, باسقارما توراعاسى ەرلان قارين «NHK» تەلەراديوكومپانياسىنىڭ پرەزيدەنتى ريوچي ۋەدامەن كەزدەسەدى.
ءىسساپار بارىسىندا جاپوندىق ارىپتەستەرمەن قارىم-قاتىناس ورناتىپ, ءتۇسىرىلىم الاڭدارىنا بارىپ, كونتەنت پەن تاجىريبە الماسۋ مۇمكىندىگىن قاراستىرادى.
انىقتاما: «NHK» جاپون تەلەراديوتاراتۋ كورپوراتسياسى جاپوندىق جانە الەمدىك اقپاراتتىق كەڭىستىكتە جەتەكشى باق-نىڭ ءبىرى بوپ سانالادى. تەلەراديوكورپوراتسيا قۇرامىندا 8 ايماقتىق ورتالىق جانە ەل ىشىندە حابار تاراتاتىن 54 ستانتسيا بار.