شەمونايحا اۋدانىنىڭ پروكۋراتۋراسى «رەسوتسياليزاتسيا: سەن قوعامعا كەرەكسىڭ» جوباسىن جۇزەگە اسىرۋىن جالعاستىرۋدا.
اۋدان پروكۋراتۋراسى دەنە شىنىقتىرۋ جانە سپورت بولىمىمەن بىرلەسىپ, «رەسوتسياليزاتسيا: سەن قوعامعا كەرەكسىڭ» جوباسىن جۇزەگە اسىرۋ شەڭبەرىندە وۆ 156/6 تۇزەۋ مەكەمەسىندە سپارتاكيادا وتكىزدى.
سوتتالعاندار شاعىن فۋتبول, ۇستەل تەننيسى جانە ۆولەيبولدان جارىستارعا قاتىستى. شەمونايحا اۋدانىنىڭ پروكۋرورى الەكساندر اكۋلوۆ سپارتاكيادانى اشقان سوزىندە وسىنداي شارالار سوتتالعانداردىڭ قايتا تاربيەلەۋىنە اسەر ەتەتىنىن, الەۋمەتتىك قاجەتتى قاسيەتتەرىن قالىپتاستىراتىنىن, ادامنىڭ ءوز مارتەبەسىن, قايسارلىعىن, نامىسىن, جەڭىسكە دەگەن قۇشتارلىعى مەن قارسىلاسىنا سىيلىستىقتى ارتتىراتىنىن اتاپ ءوتتى. بۇل تۋرالى شەمونايحا اۋدانىنىڭ پروكۋراتۋراسى حابارلادى.
شاعىن فۋتبول جارىسىنا 9 ادامنان قۇرالعان 10 كوماندا قاتىستى. ءبىر قۇراما كوماندا تۇزەۋ مەكەمەسىنىڭ قىزمەتكەرلەرىنەن قۇرىلدى. ۆولەيبولدان 4, ال ۇستەل تەننيسى بويىنشا 10 كوماندا قاتىستى. جارىس قورىتىندىلارى بويىنشا شەمونايحا اۋدانىنىڭ پروكۋرورى بارلىق جەڭىمپازداردى كۋبوكتارمەن, ديپلومدار مەن جۇلدەلەرمەن ماراپاتتادى. كوماندالىق سپورت تۇرلەرىندەگى نوميناتسيالار بويىنشا سوتتالعاندار ماراپات رەتىندە تۋىستارىمەن سكايپ ارقىلى جۇزدەسىپ, جەكە كارتوچالارىنا ماداقتاۋلار ەنگىزىلدى.
ازامات قاسىم,
«ەگەمەن قازاقستان»
شىعىس قازاقستان وبلىسى, شەمونايحا اۋدانى