بۇگىن سولتۇستىك قازاقستان وبلىسىنىڭ وڭىرلىك كوممۋنيكاتسيا قىزمەتىندە سولتۇستىك قازاقستان وبلىسى اكىمدىگىنىڭ مادەنيەت, مۇراعاتتار جانە قۇجاتتاما باسقارماسى ورىنباسارىنىڭ جانە ۇلتتىق دەلفي ويىندارى وكىلدەرىنىڭ قاتىسۋىمەن بريفينگ ءوتتى.
بيىل ۇلتتىق دەلفي ويىندارى پەتروپاۆل قالاسىندا وتەدى. قازاقستاننىڭ 12 وڭىرىنەن, الماتى مەن استانادان ەڭ دارىندى دەلفيلىكتەر ەلىمىزدىڭ سولتۇستىگىندە جينالاتىن بولادى. شىعارماشىلىق جوبانىڭ ۇيىمداستىرۋشىسى ۇلتتىق دەلفي كوميتەتى بولىپ تابىلادى. سولتۇستىك قازاقستان وبلىسى اكىمدىگى ونەردىڭ جوعارعى دارەجەلى فورۋمىن ءوز قالاسىندا وتكىزىپ, ءحىىى ۇلتتىق دەلفي ويىندارىن وتۋىنە اتسالىسقىسى كەلەتىندىگىن العاشقىلاردىڭ ءبىرى بولىپ حابارلادى.
- ءبىز قازاقستان رەسپۋبليكاسىنىڭ ءحىىى ۇلتتىق دەلفي ويىندارى سياقتى وسىنداي ابىرويى اسقاق مادەني جوبا 2018 جىلى ەلىمىزدىڭ باستى وقيعالارى: قر ەلورداسى - استانا قالاسىنىڭ 20-جىلدىعىن جانە قازاقستان مەن رەسەيدىڭ حالىقارالىق ىنتىماقتاستىقتىڭ ءحۇ-ءشى فورۋمىن پەتروپاۆل قالاسىندا مەرەكەلەۋ ءىس-شارالارىن وتكىزۋگە يتەرمەلەۋشى كۇش بولاتىنىن ەرەكشە ماقتانىشپەن ايتامىز - دەپ اتاپ ءوتتى سقو مادەنيەت, مۇراعاتتار جانە قۇجاتتاما باسقارماسى باسشىسىنىڭ ورىنباسارى زاۋرە نۇرمۇحانوۆا.
بريفينگ بارىسىندا بەلگىلى بولعانداي پەتروپاۆل قالاسىنىڭ تۇرعىندارى مەن قوناقتارىنا ەلىمىزدىڭ دارىندى جاستارىنىڭ شىعارماشىلىعىمەن 20-دان اسا الاڭداردا تانىسۋعا مۇمكىندىك تۋادى.
-ۇلتتىق دەلفي ويىندارى - بۇل ەڭ الدىمەن سولتۇستىك ءوڭىردىڭ مادەني جانە عىلىمي داستۇرلەرىن دارىپتەۋگە, ەرەكشە جارقىن دارىنداردى تابۋعا, ءبىزدىڭ جاستاردىڭ رۋحاني بايۋىنا مۇمكىندىك تۋعىزاتىن «رۋحاني جاڭعىرۋ» باعدارلاماسى اياسىندا قويىلعان تاپسىرمالارعا سايكەس كەلەتىن مادەني وقيعا. 13-ءشى ۇلتتىق دەلفي ويىندارىنىڭ ايىرىقشا ەرەكشەلىگى ول ەكىنشى پارادەلفيلىك ويىنداردىڭ ەستۋ قابىلەتى بۇزىلعان بالالارعا ارنالعان «حورەوگرافيا» مەن «يشارا تىلىندە ءان ورىنداۋ» دەگەن ەكى نوميناتسياسى, سونىمەن قاتار جاڭا قوسىلعان «ارباعا تاڭىلعان جاندار ءبيى» نوميناتسياسىنىڭ تۇساۋىن كەسۋ بولىپ تابىلادى» - دەپ اتاپ ءوتتى ۇلتتىق دەلفي كوميتەتىنىڭ ديرەكتورى, جوبا جەتەكشىسى قۇرالاي تۇسىپبەكوۆا.
قاراشانىڭ 1-نەن 5-نە دەيىن مادەنيەت پەن ونەر سالاسىندا كوپتەن كۇتكەن وقيعا - ءحىىى ۇلتتىق دەلفي ويىندارى وتەدى. بۇل ويىندار جاستاردىڭ كوڭىلىن اۋدارتۋ جانە وبلىستار مادەنيەتىمەن تانىستىرۋ ماقساتىندا جىل سايىن ءارتۇرلى وبلىستار ورتالىقتارىندا وتكىزىلەدى. بيىلعى جىلى اتالمىش ويىن سولتۇستىك قازاقستان وبلىسىنىڭ پەتروپاۆل قالاسىندا وتكىزىلەتىن بولادى.
ونەر سالاسىنداعى ماڭىزدى فورۋمنىڭ نەگىزگى ماقساتتارىنىڭ ءبىرى - دارىندى جاسامپاز جاستاردى انىقتاپ, قولداۋ كورسەتۋ, ورىنداۋشىلاردىڭ كاسىبي دەڭگەيىن جوعارلاتۋعا سەپتىگىن تيگىزۋ, اسقاق ونەر ارقىلى جاس بۋىن وكىلدەرىنە پاتريوتتىق تاربيە بەرۋ بولىپ تابىلادى. بيىلعى جىلى 18 نوميناتسيا بويىنشا وتىنىشتەر قابىلداندى. ولاردىڭ اراسىندا فورتەپيانو, بايان, اككورديون, ۇلتتىق اسپاپتار, تەاتر, حالىق اندەرىن, اكادەميالىق, ەسترادالىق اندەردى ورىنداۋ, حالىق ءبيى جانە زاماناۋي بيلەر, فوتو سۋرەت, تەلەجۋرناليستيكا, قىسقا مەتراجدى كينو (ۆيدەوروليكتەر), بەينەلەۋ ونەرى, كيىم ديزاينى, دەكوراتيۆتى-قولدانبالى ونەر جانە باسقالارى بار.
ءومىر ەسقالي,
"ەگەمەن قازاقستان"