مەملەكەت باسشىسى نۇرسۇلتان نازارباەۆ قىتاي حالىق رەسپۋبليكاسىنىڭ توراعاسى سي ءتسزينپيندى قىتاي كوممۋنيستىك پارتياسى ورتالىق كوميتەتىنىڭ باس حاتشىسى بولىپ قايتا سايلانۋىنا وراي قۇتتىقتاپ, جەدەل حات جولدادى. بۇل تۋرالى اقوردانىڭ ءباسپاسوز قىزمەتى حابارلادى.
«قىتاي كوممۋنيستىك پارتياسى ءسىزدىڭ جەتەكشىلىگىڭىزبەن ەلدىڭ دامۋىنىڭ الەۋمەتتىك-ەكونوميكالىق قامتۋ جانە حالىقتىڭ الەۋەتىن ارتتىرۋ بويىنشا ايتارلىقتاي بيىككە جەتتى.
قىتايدىڭ الەۋمەتتىك-ەكونوميكالىق كۇشى مەن حالىقارالىق ابىرويىن ارتتىرۋ جولىنداعى تولاسسىز جاسامپاز ەڭبەگىڭىزدىڭ تابىستى بولۋىن تىلەيمىن.
قازاقستان مەن قىتاي اراسىنداعى بارلىق تاراپتاعى ستراتەگيالىق قارىم-قاتىناستار قارقىندى دامي بەرەتىندىگىن سەنىم بىلدىرەمىن, سونىمەن بىرگە ەكى ەلدىڭ دوستىعى نىعايا بەرمەك, - دەلىنگەن قۇتتىقتاۋ جەدەل حاتىندا.
قازاقستان پرەزيدەنتى قۇتتىقتاۋ سوڭىندا سي تسزينپينگە دەنساۋلىق پەن يگىلىك جانە ىنتىماقتى جاراستىقتاعى قىتاي ەلىنىڭ گۇلدەنە بەرۋىن تىلەدى.