كەشە پارلامەنت سەناتىنىڭ توراعاسى قايرات ءماميدىڭ توراعالىق ەتۋىمەن بولعان پالاتا بيۋروسىنىڭ وتىرىسىندا سەناتتىڭ بيىلعى 3 قاراشادا بولاتىن كەزەكتى وتىرىسىنىڭ كۇن ءتارتىبى بويىنشا ۇسىنىستار قارالدى, دەپ حابارلادى وسى پالاتانىڭ ءباسپاسوز قىزمەتى.
اتاپ ايتقاندا, «قازاقستان رەسپۋبليكاسىنىڭ ۇلتتىق قورىنان 2012-2014 جىلدارعا ارنالعان كەپىلدەندىرىلگەن ترانسفەرت تۋرالى» جانە «2012-2014 جىلدارعا ارنالعان رەسپۋبليكالىق بيۋدجەت تۋرالى» زاڭ جوبالارىن تالقىلاۋ جوسپارلانىپ وتىر.
دەپۋتاتتار تالقىسىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك الەۋمەتتىك تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ۇسىنىلادى.
وتىرىستا دەپۋتاتتار «نەكە (ەرلى-زايىپتىلىق) جانە وتباسى تۋرالى» كودەكستىڭ جوباسى بويىنشا پارلامەنت سەناتى مەن ءماجىلىسى اراسىنداعى كەلىسۋ كوميسسياسىنىڭ قۇرامىنا ءوز ءارىپتەستەرىن سايلايدى.