ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ جانار-جاعار ماي ماتەريالدارىنىڭ ىشكى نارىعىنداعى جاعداي بويىنشا جاۋاپتى مەملەكەتتىك ورگانداردىڭ باسشىلارىنىڭ باياندامالارىن تىڭدادى جانە تاپشىلىققا جول بەرمەۋ بويىنشا بىرقاتار تاپسىرمالار بەردى
ەنەرگەتيكا ءمينيسترى قانات بوزىمباەۆ, ۇلتتىق ەكونوميكا ۆيتسە-ءمينيسترى سەرىك جۇمانعارين, «قتج» ۇك» اق باسقارما توراعاسى قانات الپىسباەۆ, قاراعاندى وبلىسىنىڭ اكىمى ەرلان قوشانوۆ جانە استانا اكىمى اسەت يسەكەشەۆ ججم مەن كومىردىڭ ىشكى نارىعىنداعى اعىمداعى جاعداي تۋرالى باياندادى.
قر پرەمەر-ءمينيسترى باقىتجان ساعىنتاەۆ ىشكى نارىقتى مۇناي ونىمدەرىمەن جانە كومىرمەن قامتاماسىز ەتۋ ماسەلەلەرى مەملەكەت باسشىسىنىڭ جەكە باقىلاۋىندا ەكەنىن اتاپ ءوتتى. جاۋاپتى مەملەكەتتىك ورگاندارعا وتىن تاپشىلىعىنا جول بەرمەۋ بويىنشا تاپسىرمالار بەرىلدى جانە ولارعا تۇراقتى مونيتورينگ جۇرگىزىلەدى.
تابيعي مونوپوليالار سالاسىنداعى باقىلاۋشى ورگاندارعا باعا كەلىسىمدەرىن انىقتاۋ بويىنشا جۇمىستى جالعاستىرۋ تاپسىرىلدى.
ىشكى نارىقتا ججم مەن كومىردىڭ بار بولۋى بويىنشا ماسەلەلەردى ۇيلەستىرۋ قر پرەمەر-ءمينيسترىنىڭ ءبىرىنشى ورىنباسارى اسقار مامينگە جۇكتەلدى.