مەملەكەت باسشىسىنىڭ اتىنا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ماگيسترانتتارى جادىرا اقىلوۆا مەن ناركەس ورىنباەۆادان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ماگيسترانتتار حاتىندا جاقىندا ەلىمىزدىڭ ءبىر توپ تالانتتى جاستارىنىڭ قاتارىندا ەلباسىنىڭ قابىلداۋىندا بولعانىن جازادى.
«ءبىز «نازارباەۆ ستيپەندياسىن» العان كۇندى ومىرىمىزدەگى ەڭ باقىتتى, ەڭ ارايلى كۇن دەپ ەسەپتەيمىز. بۇل بىزگە عانا ەمەس, بۇكىل جاستارعا دەگەن ءسىزدىڭ سەنىمىڭىز بەن ءۇمىتىڭىز دەپ بىلەمىز. سوندىقتان بىزگە ارتقان سەنىمىڭىزدى ابىرويمەن اقتاۋ ءۇشىن بار كۇش-جىگەرىمىزدى, ۋاقىتىمىزدى تەرەڭ ءبىلىم الۋعا, عىلىمنىڭ بيىكتەرىن باعىندىرۋعا جۇمسايمىز», – دەلىنگەن حاتتا.
اۆتورلار حات سوڭىندا پرەزيدەنتكە العىس سەزىمدەرىن ءبىلدىرىپ, ۇزاق ءومىر, تولايىم تابىس تىلەگەن.