قاراعاندىدا وسىمەن 4-ءشى رەت ۇيىمداستىرىلعان «جان شۋاعى» اتالاتىن بۇل بايقاۋعا قاتىسۋشىلار از بولمادى. تۋماسىنان اياق-قولى كەم, كوزى زاعيپ جاراتىلىپ, تاعدىردىڭ اۋىر كۇيىنە ۇشىراسا دا تالاپتارى تاۋداي جەتكىنشەكتەر ادام قابىلەتى قانداي دا قيىندىقتا شەكتەلمەك ەمەستىگىن پاش ەتتى. ولار ورنەكتەگەن قول ونەرى تۋىندىلارى, كەستەلەگەن تابيعات كورىنىستەرى, ءار ءتۇرلى سازدى اسپاپتاردا ويناۋ ماشىقتارى, اۋەلەتكەن اسەم اندەرى سونى ايعاقتادى.
بايقاۋ قورىتىندىسىندا 12 جاسار الەكساندر بريۋحوۆ, تۇرعىلاستارى گاككۋ ءالىمحانوۆا, ناتاليا سوروكينا ونەرلەرى لايىقتى باعاسىن الدى. تالانتتارى تانىلعان باسقا دا بالالار اتالعان شارانى قولداۋشىلار مەن دەمەۋشىلەر تارتقان سىي-سياپات قۋانىشىنا بولەندى.
ايقىن نەسىپباي.
قاراعاندى.