2017 جىلدىڭ ەكىنشى توقسانىندا قازاقستان استاناسىنداعى جۇمىسسىزدىق دەڭگەيى بولجانعان 4,7% ەمەس, 4,5 % قۇرادى دەپ حابارلادى ەلوردا اكىمدىگىنىڭ ءباسپاسوز قىزمەتى.
ەلوردا, ءتىپتى, جۇمىسسىزدىقتىڭ ەڭ تومەنگى دەڭگەيىمەن كوش باستاپ كەلەدى. اتالمىش كورسەتكىش رەسپۋبليكالىق كورسەتكىشتەن 0,4% تومەن. جاستار اراسىنداعى دەڭگەيى (15-28 جاس ارالىعىنداعىلار) 4,5 % (بولجانعان دەڭگەي 4,7%) جانە ايەلدەر اراسىنداعى جۇمىسسىزدىق 4,6% (بولجانعان دەڭگەي 4,9%) قۇرادى.
اعىمداعى جىلدىڭ 8 ايىندا مەملەكەتتىك قولداۋ شارالارى 20 219 ادام قامتىلدى. بۇل ءوز كەزەگىندە 93% قۇرايدى.
11 536 ادام جۇمىس ىزدەپ كەلسە, ولاردىڭ 6 725-ءى جۇمىسقا ورنالاستىرىلدى (3882- تۇراقتى جۇمىسقا, 223-ۋاقىتشا جۇمىسقا, 695-جاستار پراكتيكاسى بويىنشا, 186 – الەۋمەتتىك جۇمىس ورىندارىنا جانە 1739 – قوعامدىق جۇمىس ورىندارىنا).
استانالىق ەڭبەك, جۇمىسپەن قامتۋ جانە الەۋمەتتىك قورعاۋ باسقارماسىنىڭ اقپاراتىنشا, بوس جۇمىس ورىندارى بويىنشا مالىمەتتەر بازاسى كۇن سايىن جاڭارىپ وتىرادى. بۇدان باسقا, بوس جۇمىس ورىندارى بويىنشا مالىمەتتەر بازاسىن تولىقتىرۋ ماقساتىندا جاڭا جۇمىس بەرۋشىلەردى تارتۋ بويىنشا بەلسەندى جۇمىس جۇرگىزىلىپ جاتىر.