وسى جىلدىڭ قاڭتار-تامىز ايلارىندا قالادا 23 595 قىلمىستىق قۇقىقبۇزۋشىلىق تىركەلدى, ول وتكەن جىلدىڭ سالىستىرمالى كەزەڭىنەن 18, 1% تومەن, دەپ حابارلايدى ەلوردا اكىمدىگىنىڭ ءباسپاسوز قىزمەتى.
بۇل ارالىقتا اسا اۋىر قىلمىس, كىسى ءولىمى, زورلىق, قاراقشىلىق, ۇرلىق, الاياتىق جانە باسقا دا قىلمىس تۇرلەرى ازايدى.
استانا قالاسىنىڭ ءىىد مالىمەتىنشە, ەلوردادا قىلمىس دەڭگەيى 10 مىڭ ادامعا 28,7% دەيىن تومەندەدى.
ەلباسىنىڭ تاپسىرماسىنا سايكەس قابىلدانعان قوعامداعى تارتىپبۇزۋشىلىققا «نولدىك توزىمدىلىك» قالىپتاستىرۋ باعدارلاماسىن جۇزەگە اسىرۋ جۇمىستارى جالعاسۋدا.
«جىل باسىنان بەرى 75 513 اكىمشىلىك قۇقىقبۇزۋشىلىق انىقتالدى. ونىڭ 3 296 كىشى بۇزاقىلىق, 4 967 تىنىشتىقتى بۇزۋ, 13 879 قوعامدىق ورىنداردا الكوگول ونىمدەرىن ءىشىپ, ماس كۇيىندە ءجۇرۋ, 12 243 – تىيىم سالىنعان جەرلەردە تەمەكى شەگۋ, 17 226 – اباتتاندىرۋ ەرەجەسىن بۇزۋ, 1 331 – قوعامدىق ورىنداردا جارماسۋ», - دەلىنگەن استانا قالاسىنىڭ ءىىد تاراتقان حابارلامادا.