كوك بايراعىم, جەلبىرە!

دەگەن اتپەن كيەۆتە قازاق كومپوزيتورلارىنىڭ شىعارمالارىنىڭ كونتسەرتى ءوتتى ەل تاۋەلسىزدىگىنىڭ 20 جىلدىعى قارساڭىندا كيەۆ قالاسىندا قازاقستاننىڭ بۇگىنگى كۇنگى مۋزىكاسىنان تۇراتىن «كوك بايراعىم, جەلبىرە!» اتتى كونتسەرت ءوتتى. ۋكراينانىڭ حالىق ءارتىسى, ت.شەۆچەنكو اتىنداعى ۋكراينا ۇلتتىق سىيلىعىنىڭ لاۋرەاتى, ديريجەر ۆالەري ءماتيۋحيننىڭ باسقارۋىمەن «كيەۆ كامەراتاسى» وركەسترى قازاق مۋزىكاسىن دۇرىلدەتە, زور شابىتپەن ورىندادى. ۋكراينا ۇلتتىق مۋزىكا قوعامىنىڭ زالىنا جينالعان جۇرت­شى­لىق ريزاشىلىعىندا شەك بولمادى. كونتسەرتتە قازاق كومپوزي­تور­لارى ب.قىدىربەك, ا.توقسانباەۆ, ب.دالدەنباي, ب.امانجول, ءا.مامبەتوۆ-جۇبانوۆ, ا.رايىمقۇلوۆا, ح.سەتەكوۆ, ۆ.ستريگوتس­كي-پاك شىعارمالارى ورىندالدى. بۇل كونتسەرت قازاق مۋزىكا ونەرىنىڭ بۇگىندە الەمدىك دەڭگەيدە ەكەنىن عانا ەمەس, ونىڭ ەڭ جوعارى بيىگىندە تۇرعانىن پاش ەتتى. «ەگەمەن-اقپارات».