ءسىز نە دەيسىز؟

كاسىپتىك-تەحنيكالىق ليتسەي اشۋ – قاجەتتىلىك باياناۋىل اۋدانىنا قا­راس­تى مايقايىڭ كەنتىندە 10 مىڭداي حالىق تۇرادى. ونىڭ اراسىندا 2 مىڭنان اسا ورالمان اعايىن بار. ءون­دىرىسكە بارىپ جۇمىس جا­سا­عى­سى كەلەتىن جاس كوپ. ءون­دى­رىس ورىن­دارى دا جەتكىلىكتى. سوندىق­تان مۇندا  كاسى­بي مامان­دار­عا دەگەن سۇرا­نىس تا جوعارى. وسى سەبەپتى كەنتتە ارنايى كاسىپتىك مەكتەپ اشۋ قاجەت­تىگى بايقالادى. «ەگەمەن قازاقستاننىڭ» پاۆلودار وبلىسىنداعى ءتىلشىسى فاريدا بىقاي مايقايىڭ كەنتىنىڭ اكىمى وردا ەرمەكباەۆقا: – ءسىز بۇعان نە دەيسىز؟ – بۇل – بۇگىنگى كۇننىڭ سۇ­رانىپ تۇرعان وتكىر ءما­سە­لەسى. كەنت جاستارى دا, ولاردىڭ اتا-انالارى دا وسى جاڭالىق­تى اسىعا كۇتىپ ءجۇر. جالپى, گازبەن دانەكەرلەۋشىلەر, تاۋ-كەن ءىسىنىڭ شەبەرلەرى, ەلەك­تر­شى ماماندار قاجەت-اق. كەنتكە كور­شىلەس اۋىلداردان دا كە­لەتىن جاستاردىڭ ارنايى بىلىمدەرى جوق. سونىڭ سالدا­رى­نان ولار­دىڭ دەنى قارا جۇ­مىستى كاسىپ ەتەدى. كاسىپورىن باسشىلارى  جىل سايىن پاۆلودار مەن ەكىباستۇز قالالا­رىن­داعى كا­سىپ­­تىك وقۋ ورىن­دا­رىنا كوپ­تەگەن جاستاردى وقۋعا جىبەرەدى. دەگەنمەن, ءون­دىرىس ورىن­دارىنىڭ كەڭەيىپ, ءونىم ءوندىرۋ كورسەتكىشتەرىنىڭ ارتۋى بىلىكتى مامانداردىڭ كوبەيۋىن تالاپ ەتۋدە. بۇل ءما­سەلەنى شەشۋدىڭ جولى – ماي­قايىڭنىڭ وزىندە كاسىپتىك-تەحنيكالىق وقۋ ور­نىن اشۋ. سوندا تەحنيكالىق ماماندار­عا دەگەن زارۋلىك تە بولماس ەدى. ارنايى باعدارلاما بوي­ىن­شا ماماندار دايارلاۋعا ەكى­باستۇز قالاسىنداعى  №18 كا­سىپ­تىك ليتسەيگە, وبلىس ور­تا­لى­عىنداعى №15  ليتسەيگە بي­ىلعى مەكتەپ بىتىرگەن تۇلەك­تەر وقۋعا جىبەرىلدى. ال, قاي­تا دايارلاۋعا ەكىباستۇز قالا­سىن­داعى №4, 18, 27 كاسىپتىك ليتسەيلەرگە, وبلىس ورتالى­عىن­داعى №5, 1 كاسىپتىك ليتسەيلەرگە  3 اي وقۋ مەرزىمىنە  جاستار وقىپ كەلمەكشى. بىلىكتىلىگىن ارتتىرۋ ءۇشىن ەكى­باس­تۇز قالاسىنداعى مەديتسينا­لىق كوللەدجگە, وب­لىس ورتا­لى­عىنداعى اقپارات­تىق تەحنولوگيا كوللەدجىنە بۋحگالتەر ماماندىعى بويىن­شا وقۋ­عا جىبەرىلگەندەر دە بار. جالپى, مايقايىڭ كەنتىنەن كاسىپتىك دايارلاۋعا, قايتا دايار­لاۋعا جانە بىلىكتىلىگىن ارت­تىرۋعا 50 جاس جىبەرىلىپ وتىر. بارلىعىنا ءجۇرىس-تۇرىسى ءۇشىن 12000 تەڭگە, ستيپەندياسىنا 7 مىڭ تەڭگە جانە قالادا تۇر­عا­نى ءۇشىن 15 مىڭ تەڭگە  تولە­نەدى. كەنتتىڭ ءوز كاسىپتىك  وقۋ ورنى بولسا, وسىنشاما شىعىن شىقپاس ەدى. پاۆلودار وبلىسى.