كەشە قازاقستان پارلامەنتى سەناتىنىڭ توراعاسى قايرات ءمامي يندونەزيا كونستيتۋتسيالىق سوتىنىڭ توراعاسى موحامماد ماحفۋدتى قابىلدادى, دەپ حابارلادى قازاقستان پارلامەنتى سەناتىنىڭ ءباسپاسوز قىزمەتى.
كەزدەسۋ بارىسىندا قازاقستان-يندونەزيا ەكىجاقتى قاتىناستارىن ودان ءارى دامىتۋ ماسەلەلەرى تالقىلاندى.
توراعا سونداي-اق ەكى مەملەكەتتىڭ قۇقىقتىق سالاداعى ىنتىماقتاستىعىن نىعايتۋ ءۇشىن وسى ساپاردىڭ ماڭىزدىلىعىن اتاپ ءوتتى. «يندونەزيا قازاقستاننىڭ ازيا-تىنىق مۇحيتى ايماعىنداعى ماڭىزدى ارىپتەسى بولىپ تابىلادى», – دەدى ق.ءمامي. ق.ءمامي ايتقانداي, «قازىرگى كەزدە قازاقستان بۇرىنعى كەڭەستىك كەڭىستىكتەگى كۇشتى زاڭنامالىق بازالاردىڭ ءبىرىن يەلەنىپ وتىر».
كەزدەسۋدە جوعارى وكىلدى بيلىك ينستيتۋتىن نىعايتۋ ماسەلەلەرى بويىنشا دا جان-جاقتى پىكىر الماسىلدى.
مەملەكەتارالىق, ونىڭ ىشىندە قۇقىقتىق سالاداعى قاتىناستاردىڭ بارلىق سالالارى بويىنشا ىنتىماقتاستىقتىڭ قاجەتتىگىنە م.ماحفۋد قولداۋ ءبىلدىردى.
كەزدەسۋگە سەنات دەپۋتاتتارى ي.ءامىروۆ پەن ن.جولداسباەۆا قاتىستى.