وقو-دا ءبىر توننا باۋىرساق ءپىسىرىلدى

قالا كۇنى بارىسىندا قازاقستاننىڭ «كينەس» رەكوردتار كىتابىنىڭ (گيننەستىڭ رەكوردتتار كىتابىنىڭ قازاقستاندىق نۇسقاسى) جاڭا رەكوردى تىركەلدى.

«التىن ءدان» كومپانياسىنىڭ دەم بەرۋىمەن جەرگىلىكتى ۇزدىك 20 اسپاز 1139 كەلى باۋىرساق ءپىسىردى. جاڭا رەكورد ورناتىلىپ, ارنايى كوميسسيادا تىركەلگەنى جايلى سەرتيفيكات رەكورد ورناتۋشىلارعا تابىستالدى. بۇعان دەيىنگى رەكورد الماتىدا تىركەلىپ, وندا 856 كەلى باۋىرساق پىسىرىلگەن ەدى. وبلىستاعى رەكوردتى ورناتۋ ءۇشىن 750 كەلى ۇن, 400 ليتر ماي, 60 كەلى قانت پەن 150 ليتر ءسۇت جۇمسالدى. ءبىر توننادان استام باۋىرساق 10 قازاندا ءپىسىرىلدى. سالماعى تارازىعا ولشەنشەن سوڭ باۋىرساق قاعاز قالتالارعا سالىنىپ, جۇرتقا تاراتىلدى. مەرەكەلىك دۋمانعا 30 مىڭنان استام ادام قاتىستى. كەش سوڭى گالا-كونتسەرتكە ۇلاستى.

باقتيار تايجان,

«ەگەمەن قازاقستان».

وڭتۇستىك قازاقستان وبلىسى.