كەشە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ تۇرىك رەسپۋبليكاسىنىڭ پرەزيدەنتى ابدۋللا گۇلمەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىسى تۇركيادا بولعان جەر سىلكىنىسىنىڭ سالدارىنان كوپتەگەن ادامداردىڭ قۇربان بولعانىنا بايلانىستى كوڭىل ايتتى جانە اپاتتىڭ سالدارىن جويۋعا قاجەتتى كومەك بەرۋگە دايىن ەكەندىگىن ءبىلدىردى.
اڭگىمەلەسۋ بارىسىندا تاراپتار ەكىجاقتى قارىم-قاتىناستاردىڭ جاي-كۇيى مەن پەرسپەكتيۆاسىن, سونداي-اق الماتىدا وتكەن تۇركىتىلدەس مەملەكەتتەر ىنتىماقتاستىق كەڭەسىنىڭ I سامميتىنىڭ قورىتىندىلارىن تالقىلادى.
تۇركيا پرەزيدەنتى ابدۋللا گۇل جوعارى دەڭگەيدەگى كەزدەسۋگە قاتىسا الماعانىنا بايلانىستى وكىنىشىن ءبىلدىردى.