وقو-دا زاڭسىز تاسىمالمەن كۇرەستىڭ جاڭا ءادىسى قولدانىسقا ەندى

بۇگىنگە دەيىن باسقارما ماماندارى اۋدانارالىق تۇراقتى باعىتتارعا قىزمەت كورسەتەتىن 354 (75%) شاعىن اۆتوبۋسقا وسىناۋ بەلگىلەردى ورناتىپ ۇلگەردى. ايتۋلارىنشا, بۇل جاڭالىق وڭىردەگى زاڭسىز تاسىمال قاتىناسىن جانە سونىڭ كەسىرىنەن بولاتىن جول-كولىك وقيعالارىن ايتارلىقتاي ازايتۋعا مۇمكىندىك بەرەدى. ويتكەنى ارنايى بەلگىسى بار كولىكتەرگە باعىتتارعا شىعار الدىندا كۇندەلىكتى جولداما بەرىلسە, بۇل قۇجات كولىك پەن ونى جۇرگىزۋشىنىڭ ءتيىستى تەكسەرۋلەردەن وتكەندىگىن, جولاۋشىلار ءۇشىن بۇل شاعىن اۆتوبۋستار قاۋىپسىز ەكەندىگىن ايعاقتايدى.

بۇگىنگى تاڭدا وبلىستاعى بارلىق اۆتوۆوكزالداردا جولاۋشىلاردى زاڭدى تاسىمالداۋشى كولىكتەرگە وتىرىپ قاتىناۋ بويىنشا ۇگىت-ناسيحات جۇمىستارى قىزۋ جۇرگىزىلۋدە. ءوڭىر تۇرعىندارىنا زاڭدى جانە زاڭسىز تاسىمالداۋدىڭ ايىرماشىلىعى كورسەتىلىپ, تەك زاڭدى تاسىمالداۋ قىزمەتىن پايدالانۋ قاجەتتىلىگى ءتۇسىندىرىلىپ جاتىر.

مامانداردىڭ زەرتتەۋلەرىنشە, اۆتوبۋستاردىڭ (شاعىن اۆتوبۋستاردىڭ) قاتىسۋىمەن ورىن الاتىن جول-كولىك وقيعالارىنىڭ 90%-ى زاڭسىز جولاۋشىلار تاسىمالىنا تيەسىلى ەكەن.

زاڭسىز جولاۋشىلار تاسىمالىمەن اينالىساتىن اۆتوبۋستار (شاعىن اۆتوبۋستار) رەيس الدىنداعى تەحنيكالىق بايقاۋدان, جۇرگىزۋشىلەرى رەيس الدىنداعى مەديتسينالىق تەكسەرىلۋدەن وتپەيتىندىكتەن ادام ءومىرى مەن دەنساۋلىعىنا ۇلكەن قاۋىپ تونۋدە دەيدى ولار.

ايتا كەتۋ كەرەك, بۇگىندە ايماقتا جولاۋشىلار تاسىمالداۋ قىزمەتىن جەكە مەنشىك نىسانداعى 62 تاسىمالداۋشى جەرگىلىكتى اتقارۋشى ورگاندارمەن تۇزىلگەن كەلىسىم شارتتار نەگىزىندە 2724 اۆتوبۋس (شاعىن اۆتوبۋس) كورسەتەدى. وبلىستاعى بارلىق جولاۋشى تاسىمالداۋ باعىتتار جەلىسى بۇگىنگى كۇنى 392 باعىتتاعى 2266 كەستەدەن تۇرادى.