وبلىس اكىمدىگىنىڭ فويەسىندە وبلىس ەكونوميكاسىنىڭ باسىم باعىتتارى مەن تالدىقورعان قالاسىن دامىتۋدىڭ باس جوسپارى كورسەتىلگەن ستەندتەر ورناتىلدى.
رەسمي دەلەگاتسياعا وبلىس اۋماعىندا جۇزەگە اسىرىلىپ جاتقان اگرو-ونەركاسىپتىك كەشەندى دامىتۋ, يندۋستريالاندىرۋ, ينۆەستيتسيا تارتۋدىڭ نەگىزگى كورسەتكىشتەرى جانە ءوڭىردى دامىتۋ باعدارلاماسىنىڭ ورىندالۋ بارىسى تانىستىرىلدى. كەزدەسۋدى وبلىس اكىمى اماندىق باتالوۆ اشتى. رەسمي دەلەگاتسيانى تانىستىرعاننان كەيىن, ءوڭىر باسشىسى الماتى وبلىسىنا كەلۋ تۋرالى ۇسىنىسىن قابىل العانى ءۇشىن تاتارستان رەسپۋبليكاسىنىڭ پرەزيدەنتى رۋستام ميننيحانوۆقا العىسىن ءبىلدىردى.
«بىزبەن ىنتىماقتاستىق قۇرۋ تۋرالى بىلدىرگەن نيەتىمىزدى قابىل العاندارىڭىز ءبىزدى قاتتى قۋانتادى. ءبىز سىزدەردەن ونەركاسىپتى دامىتۋ, جاڭا تەحنولوگيالاردى ەنگىزۋ تۇرعىسىنداعى تاجىريبەلەرىڭىزدى وزىمىزدە قولدانعىمىز كەلەدى. قانت قىزىلشاسىن ءوسىرۋدى جاڭعىرتۋ – جەتىسۋ ولكەسى ءۇشىن باسىم باعىتتاردىڭ ءبىرى بولعاندىقتان, وسى باعىتتا ءبىز جۇمىلا جۇمىس جۇرگىزۋدەمىز. سول سەبەپتى سىزدەردىڭ وسى باعىتتاعى تاجىريبەلەرىڭىز بەن تەحنولوگيالارىڭىز ءبىزدى قىزىقتىراتىندىعى انىق. سونداي-اق, مەملەكەت باسشىسى نۇرسۇلتان ءابىش ۇلى نازارباەۆتىڭ تاپسىرماسىمەن قۇرىلعان «قورعاس – شىعىس قاقپاسى» ارنايى ەكونوميكالىق ايماعى (اەا) مەن «قورعاس» شەكارا ماڭى ىنتىماقتاستىعىنىڭ حالىقارالىق ورتالىعى (شىحو) ارقىلى «قۇرعاق پورت» ترانسۇلتتىق جوباسىنىڭ مۇمكىنشىلىكتەرىنە نەگىزدەلىپ, تاتارستان مەن الماتى وبلىسىنىڭ كاسىپكەرلەرى اراسىندا ارىپتەستىكتىڭ تىعىز بايلانىسىن ورناتقىمىز كەلەدى. تاعى ءبىر اتاپ وتۋگە تۇرارلىق ماسەلە – ءبىزدىڭ وڭىرىمىزدە بارلىق قاجەتتى ينفراقۇرىلىمى جۇرگىزىلگەن يندۋستريالدى ايماقتار بار. بۇل دا بيزنەستى دامىتۋ مەن ينۆەستيتسيا تارتۋعا سەپتىگىن تيگىزەر يگى ءىسىمىز», - دەدى ا. باتالوۆ.
وسىدان كەيىن ءسوز العان تاتارستان رەسپۋبليكاسىنىڭ پرەزيدەنتى رۋستام ميننيحانوۆ الماتى وبلىسىنا شاقىرعانى ءۇشىن اماندىق عابباس ۇلىنا العىسىن ءبىلدىرىپ, ەكى جاقتى ءتيىمدى ارىپتەستىك قۇرۋ ماسەلەلەرىنە توقتالدى. ء«بىز «قورعاس» شىحو مەن «قورعاس – شىعىس قاقپاسى» اەا نىساندارىنىڭ مۇمكىندىكتەرىمەن تانىسۋعا ۇلكەن قىزىعۋشىلىق تانىتۋدامىز. ءبىز ءۇشىن ەركىن ەكونوميكالىق ايماقتىڭ جۇمىسىمەن تانىسۋ, قانداي باعىتتار بويىنشا بىرلەسىپ جۇمىستار جۇرگىزۋگە بولاتىندىعىن انىقتاۋ, وتاندىق ونىمدەرىمىزدى قازاقستان اۋماعى ارقىلى وزگە مەملەكەتتەرگە وتكىزۋ مۇمكىندىكتەرىن قاراستىرۋ ماڭىزدى بولىپ تۇر. الماتى وبلىسىندا مەملەكەتتىك-جەكەمەنشىك ارىپتەستىك نەگىزىندە كوپتەگەن بالاباقشانىڭ اشىلىپ جاتقاندىعىن ەرەكشە اتاپ وتكىم كەلەدى. بۇل تاجىريبەلەرىڭىز بىزدەردى قىزىقتىردى. ودان بولەك, جەتىسۋ ءوڭىرى مايبۇرشاق پەن جۇگەرى ءوندىرۋ بويىنشا الدىڭعى قاتاردا ەكەندىگىن ەسكەرسەك, ءبىز ءۇشىن وسى ونىمدەردى وسىرۋدەگى سىزدەردىڭ تاجىريبەلەرىڭىز قاجەت. جالپى تاتارستان مەن الماتى وبلىسى اراسىندا اۋىلشارۋاشىلىعى باعىتىندا جولدارى قيىلىسار تۇستاردىڭ وتە كوپ ەكەندىگىن جانە ونى قوس تاراپقا دا ءتيىمدى پايدالانۋعا بولاتىندىعىن بايقادىم. جەتىسۋدىڭ اسەم تابيعاتىن ايتپاي كەتپەسكە بولماس. سىزدەردىڭ تابيعي-كليماتتىق جاعدايلارىڭىز باسەكەلەستەرىڭىزدىڭ الدىندا سىزدەرگە باسىمدىق بەرەتىنى ءسوزسىز», - دەپ اتاپ ءوتتى رۋستام ميننيحانوۆ.
ءوزارا ءتيىمدى ىنتىماقتاستىق مۇمكىندىكتەرىن تالقىلاعاننان كەيىن, قوس تاراپ كەزدەسۋدى ءتىل سارايىندا جالعاستىردى. وندا تاتارستان پرەزيدەنتى الماتى وبلىسىنىڭ تاتار ەتنومادەني ورتالىعىنىڭ وكىلدەرىمەن كەزدەستى. كەزدەسۋدىڭ ەرەكشە ءساتى دەپ تاتارستان پرەزيدەنتىنىڭ وبلىس اكىمى اماندىق باتالوۆقا ءارىپ تاڭىربەرگەننىڭ ء«بىرجان سال مەن اقىن سارا ايتىسى» اتتى قولجازباسىنىڭ كوشىرمەسىن تابىستاۋىن اتاپ وتۋگە بولادى. وسىلايشا قازاقستاندىق تاتار قاۋىمداستىعىنىڭ ەرتەرەكتە ايتىلعان اماناتى ورىندالدى.