مەملەكەت باسشىسى رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
نۇرسۇلتان نازارباەۆ ۆلاديمير پۋتينگە بيىلعى 25 تامىزدا كراسنودار وڭىرىندە جول-كولىك وقيعاسى سالدارىنان اۆتوبۋستاعى كوپتەگەن ادامنىڭ قازا بولۋىنا بايلانىستى كوڭىل ايتتى.
«قازا بولعانداردىڭ تۋىستارى مەن جاقىندارىنا قولداۋ مەن نيەتتەستىگىمدى جەتكىزۋدى سۇرايمىن. زارداپ شەككەندەردىڭ تەزىرەك ساۋىعىپ, وتباسىلارىنا ورالۋىنا تىلەكتەستىك بىلدىرەمىن», - دەلىنگەن جەدەلحاتتا.