كەشە پارلامەنت سەناتىندا پالاتا توراعاسىنىڭ ورىنباسارلارى مۇحامبەت كوپەەۆ پەن الەكساندر ءسۋديننىڭ قاتىسۋىمەن «2012-2014 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمى بولدى. وتىرىسقا قارجى جانە بيۋدجەت كوميتەتىنىڭ توراعاسى قايرات يششانوۆ توراعالىق ەتتى, دەپ حابارلادى وسى پالاتانىڭ ءباسپاسوز قىزمەتى.
تانىستىرىلىم بارىسىندا قارجى ءمينيسترى ب.جامىشەۆ, ەكونوميكالىق دامۋ جانە ساۋدا ءمينيسترىنىڭ ورىنباسارى م.قۇسايىنوۆ, ۇلتتىق بانك توراعاسىنىڭ ورىنباسارى ب.تاجىياقوۆ ءسوز سويلەپ, بيۋدجەت قارجىسىن ءتيىمدى جۇمساۋ, جەرگىلىكتى ينفراقۇرىلىمدى نىعايتۋ, دەنساۋلىق ساقتاۋ جانە ءبىلىم بەرۋ نىساندارى قۇرىلىسىن سالۋ جونىندەگى دەپۋتاتتاردىڭ ساۋالدارىنا جاۋاپ بەردى.
بيۋدجەت قارجىسىنىڭ كورسەتكىشتەرى مۇناي وندىرۋدەن باسقا سالالارداعى تاپشىلىقتى بىرتە-بىرتە تومەندەتۋگە جانە وسى بيۋدجەتتىڭ تاپشىلىعىن ازايتۋعا مۇمكىندىك بەرەدى. بيۋدجەت كورسەتكىشتەرىنىڭ اياسىندا رەسپۋبليكالىق قارجى الەۋمەتتىك سالانى نىعايتۋعا, اۋىل شارۋاشىلىعىن, تۋريزم مەن سپورتتى, بايلانىستى دامىتۋعا, يندۋستريالىق-يننوۆاتسيالىق, ەڭبەككە ورنالاستىرۋ, تۇرعىن ءۇي قۇرىلىسى, تۇرعىن ءۇي-كوممۋنالدىق شارۋاشىلىعىن جاڭعىرتۋ باعدارلامالارىن ىسكە اسىرۋعا باعىتتالادى.
«2012-2014 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى ەندى جۇمىس توبىندا تالقىلاناتىن بولادى.