بۋحگالتەرلىك ەسەپ جانە اۋديتورلىق قىزمەت ماسەلەلەرى بويىنشا كونسۋلتاتيۆتىك كەڭەستىڭ كەزەكتى وتىرىسى بولدى.
قارجى ءمينيسترى بولات جامىشەۆ كەزەكتى وتىرىستى ءوز ارىپتەستەرىن كاسىبي مەيرامدارىمەن قۇتتىقتاۋدان باستادى. وعان مەملەكەت ورگاندارىنىڭ جانە كاسىبي بۋحگالتەرلەر مەن اۋديتورلار قاۋىمداستىعىنىڭ وكىلدەرى قاتىستى. وتىرىستىڭ كۇن تارتىبىندە حالىقارالىق ماڭىزى بار ماسەلەلەر (دۇنيەجۇزىلىك ەكونوميكالىق فورۋمنىڭ باسەكەگە قابىلەتتىلىك جونىندەگى عالامدىق يندەكسىنىڭ قورىتىندىلارى جانە دۇنيەجۇزىلىك بانكپەن ىنتىماقتاستىق ناتيجەلەرى) جانە قازاقستاننىڭ ماڭىزدى ىشكى زاڭنامالىق باستاماشىلىق ماسەلەلەرى قارالدى.
وتىرىستا اتاپ كورسەتىلگەنىندەي, قازاقستاننىڭ «اۋديتورلىق جانە ەسەپتىلىك ستاندارتتار دارەجەسى» كورسەتكىشتەرى بەس پۋنكتكە كوتەرىلگەن. 2010 جىلى قازاقستان 142 ەلدىڭ ىشىنەن 93 ورىندا بولعان ەدى. بۇل كورسەتكىش قارجى مينيسترلىگىنىڭ ستراتەگيالىق جوسپارىندا كوزدەلگەننەن گورى ءبىراز جاقسارعان. سول سياقتى, 2010-2011 جىلدارداعى جۇمىس قورىتىندىلارى بويىنشا دۇنيەجۇزىلىك بانكتىڭ ەسەبىندە بەرگەن ۇسىنىمدارى مەن ۇسىنىستارىنىڭ ابىرويمەن ورىندالعانى اتاپ ءوتىلدى.
وتىرىستا قازاقستان رەسپۋبليكاسىندا بۋحگالتەرلىك ەسەپ جۇيەسىن ودان ءارى جەتىلدىرۋ بويىنشا ءىس-شارالار ايقىندالدى. مىسالى, قارجى ەسەپتىلىك دەپوزيتاريىن ەنگىزۋ ماسەلەسى. بۇل ماسەلە قارجى ەسەپتىلىك ساپاسىن كوتەرەدى. پايدالانۋشىلار ەندىگى جەردە www.dfo.kz. سايتىنا كىرۋ ارقىلى قاجەتتى اقپاراتتاردى الا الادى.
ورتا جانە شاعىن بيزنەسكە جۇكتەمەنى تومەندەتۋ ماقساتىندا ورتا بيزنەس سۋبەكتىلەر ساناتىن ايقىنداۋ جوسپارلانىپ وتىر. ولارعا ەداۋىر جەڭىلدىكتەر بەرىلگەن. قالعان شاعىن بيزنەس سۋبەكتىلەرى № 1 حالىقارالىق قارجىلىق ەسەپتىلىك ستاندارتىن قولداناتىن بولادى. ول وڭايلاتۋ جاعىنا قايتا قارالىپ وتىر. بۇل جاعداي كاسىپكەرلەردىڭ شىعىستارىن ەلەۋلى تۇردە قىسقارتادى. ورتا بيزنەس كاسىپورنى ەندىگى كەزەكتە حقەس قولداناتىن بولادى, بۇل حقەس-تىڭ تولىق جيىنتىعىنان الدەقايدا جەڭىلىرەك جانە ونىڭ رەسمي دايىن وقۋ ماتەريالدارى بار. وسى ماسەلە جونىندە قارجى مينيسترلىگى كاسىبي قاۋىمداستىقپەن بىرلەسە وتىرىپ, استانا مەن الماتى قالالارىندا شاعىن جانە ورتا كاسىپكەرلىك ءۇشىن حقەس بويىنشا 2012 جىلعا ەكى سەمينار وتكىزۋدى جوسپارلاپ وتىر.
كونسۋلتاتيۆتىك ورگان كەڭەسىنىڭ ءناتيجەلەرى بويىنشا تالقىلاۋعا قاتىسقان كاسىبي ۇيىمداردىڭ وكىلدەرى قارجى مينيسترلىگىنىڭ ۇسىنىسىن قولدادى جانە كونسۋلتاتيۆتىك كەڭەستىڭ ماڭىزدى جۇمىستارىن اتاپ كورسەتىپ, بۇل ءوزگەرىستەر مەن رەتتەۋلەر پايدالانۋشىلار ءۇشىن ەسەپتىلىكتىڭ ساپاسىن ارتتىرۋعا مۇمكىندىك بەرەتىندىگىن جەتكىزدى.
قر قارجى مينيسترلىگىنىڭ ءباسپاسوز قىزمەتى.