استانالىق وبلىستىڭ ينۆەستيتسيالىق تارتىمدىلىعى كۇن ساناپ ارتىپ كەلەدى. وسىنىڭ ايعاعىنداي, ەلىمىزگە بەلگىلى «مپز بيجان» فيرماسى كوكشەتاۋدا 1500 شارشى مەتر اۋماقتى الىپ جاتقان جاڭا ەت وڭدەۋ كومبيناتىن جۇمىسقا قوستى.
الماتىدا ەت, شۇجىق ونىمدەرىنىڭ 70 ءتۇرىن شىعارىپ, «قازاقستاننىڭ ازىق-ت ۇلىك رىنوگى كورمەسىنىڭ 10 التىن مەدالىن جەڭىپ العان فيرما ولكە دامۋىنا جاڭا لەپ قوسادى. اۋىسىمدىق قۋاتى 70 ءىرى قارا مالدى سويىسقا جاراتاتىن ءوندىرىس باسشىلارىنىڭ الداعى كەزدە بورداقىلاۋ الاڭىن اشۋ جوسپارى دا قولداۋعا تۇرارلىق. ءبىز وسىنداي سەرپىندى ۇمتىلىستار ارقىلى ەلباسىنىڭ ەكسپورتتىق الەۋەتتى كۇشەيتۋ جونىندەگى تاپسىرماسىن ورىنداۋعا سالماقتى ۇلەس قوساتىن بولامىز, دەيدى كاسىپورىننىڭ اشىلۋ سالتاناتىندا ءسوز سويلەگەن اقمولا وبلىسى اكىمىنىڭ ءبىرىنشى ورىنباسارى قادىرحان وتاروۆ.
– ءبىز ءوز وندىرىسىمىزدە ءداستۇرلى تۇردە اقمولا جانە سولتۇستىك قازاقستان وبلىستارىنان جەتكىزىلگەن شيكىزاتتى پايدالانامىز, –دەيدى «مپز بيجان» فيرماسىنىڭ باس ديرەكتورى حاديشا بيجان. – كوكشەدەگى كاسىپورىن ءونىمنىڭ وزىندىك قۇنى مەن ساۋدا اينالىمىنداعى باعانى دا ارزانداتاتىن بولادى. سونداي-اق, استانانىڭ ازىق-ت ۇلىك بەلدەۋىنە قاتىسۋمەن بىرگە رەسەي رىنوگىنا جاقىنداي تۇسپەكپىز. جاڭا كومبيناتتا گەرمانيانىڭ وزىق جابدىقتارى ورناتىلىپ, زاماناۋي تەحنولوگياسى قولدانىلادى. مۇندا, قازىرشە 30 ادام جۇمىسپەن قامتىلىپ وتىر.
«قازاگروقارجى» اق اقمولا وبلىستىق فيليالىنىڭ ديرەكتورى بولات ءسابيتوۆ كاسىپورىننىڭ وندىرىستىك جەلىسىنىڭ جالپى قۇنى 98 ميلليون تەڭگەنى قۇرايتىنىن ايتىپ ءوتتى. اكتسيونەرلىك قوعام الداعى كەزدە دە وسىنداي جاڭا قادامداردى قولدايتىن بولادى. ماسەلەن, ەلىمىز بويىنشا اۋىل شارۋاشىلىعى سالاسىندا 94 ميلليارد تەڭگەنىڭ 14 ينۆەستيتسيالىق جوباسىن قارجىلاندىرۋ جوسپارلانعان.
جۇرتشىلىق كوكشەتاۋ كاسىپورنىنىڭ «حالال» ستاندارتىمەن جۇمىس ىستەيتىنىن قۋانا قۇپ كورىپ وتىر. «قازاقستاننىڭ حالال يندۋسترياسى» اسسوتسياتسياسىنىڭ جانە «حالال» حالىقارالىق تەحنيكالىق كوميتەتىنىڭ كۋالىكتەرى مەن سەرتيفيكاتىن اسسوتسياتسيانىڭ ەكسپەرتى ەرعۇلان شمەتوۆ تاپسىردى.
باقبەرگەن امالبەك.
كوكشەتاۋ.