سەرىكتەستىك ديرەكتورى الەكساندر دۆورتسەۆوي قۇرىلىس ماتەريالدارىن ءوندىرۋ باعىتىندا اتقارىلىپ جاتقان وزىق تەحنولوگيالار جايلى Baq.kz تiلشiسiنە ايتىپ بەردى.
بۇگىندە كومبينات قابىرعا پانەلى, توبە جابىندى جانە قورشاۋلار, ءتۇرلى قۇرىلىمداردى جابۋعا ارنالعان پليتالار شىعارادى. قازىر وڭىردە تۇرعىن ءۇي قۇرىلىسى قارقىن الۋدا. «نۇرلى جول» باعدارلاماسى اياسىندا سالىناتىن تۇرعىن ۇيلەردىڭ ساۋلەتىنە دە ءمان بەرىلەدى. كوكشەتاۋدىڭ تەمىربەتون بۇيىمدارىن شىعاراتىن كومبيناتى ەلىمىزدىڭ باسقا وڭىرلەرىمەن دە جۇمىس ىستەۋگە ءازىر.
«العاشقى ۋاقىتتا قۇرىلىس ماتەريالدارىنىڭ 3 ءتۇرىن عانا شىعاردىق. بۇگىندە شىعارىلاتىن ءونىم تۇرلەرىن كوبەيتۋدەمىز. كومبينات تولىق قۋاتتىلىعىنا كوشكەننەن باستاپ باسپالداقتار, ءتۇرلى ۇزىندىقتاعى جابىندى پليتالار مەن تۇرعىن ءۇي قۇرىلىسىنا قاتىستى وزگە دە ماتەريالدار شىعارۋدى قولعا الدى. قۇرىلىس كومبيناتىنىڭ ونىمدەرى وبلىس ورتالىعىنداعى الەۋمەتتىك نىساندار, تۇرعىن ۇيلەر قۇرىلىسىنا پايدالانىلۋدا. ءونىمنىڭ نەگىزگى بولىگى ەلوردانىڭ قۇرىلىس نىساندارىنا جونەلتىلەدى»,–دەيدى سەرىكتەستىك ديرەكتورى الەكساندر دۆورتسەۆوي.
تۇرعىن ءۇي كومبيناتىندا 100-گە جۋىق ادام جۇمىس ىستەۋدە. قالادا تاعى ەكى پانەلدى ءۇيدىڭ ىرگەتاسى قالانادى دەپ جوسپارلانىپ وتىر.
مامانداردىڭ ايتۋىنا قاراعاندا قازىرگى پانەلدەر بۇرىنعى كەرامزيتتەن الدەقايدا ساپالى ءارى ءساندى. 18 سانتيمەترلىك جىلۋ قورعاعىش جامىلعىسى بار. قازىر كاسىپورىن شيكىزات بازاسى رەتىندە جەرگىلىكتى كەنىشتەردەگى قۇم مەن ششەبەندى پايدالانىپ وتىر.
قۇرىلىس كومبيناتى تۇرعىن ۇيلەردى جىلدام تۇرعىزاتىندىعىمەن ەرەكشەلەنەدى. قۇرىلىسقا قولدانىلاتىن ماتەريالدار قاتاڭ باقىلاۋدان وتەدى. ويتكەنى ولار ساپا ستاندارتتارىنا ساي كەلۋى ءتيىس. ماماندار تۇرعىن ءۇي قۇرىلىسىندا جەرگىلىكتى بەتون بۇيىمدارى پايدالانۋ قازىرگى سالىنىپ جاتقان قىش جوبالاردان ارزانعا تۇسەتىندىگىن ايتىپ وتىر.
كəسىپورىن باسشىسىنىڭ ايتۋىنشا, الداعى ۋاقىتتا قالادا بىرنەشە پانەلدى تۇرعىن ۇيلەر تۇرعىزۋ جوسپارلانعان. ونىڭ العاشقىسى – پيلوتتىق جوبا رەتىندە «يۋبيلەينىي» شاعىن اۋدانىندا بىلتىر قولعا الىنعان تۇرعىن ءۇي. قۇرىلىس جۇمىستارىن باس مەردىگەر «نيكس ينجينيرينگ گرۋپپ يۆ» جشس جۇرگىزدى. 90 پاتەرلىك توعىز قاباتتى تۇرعىن ءۇي جاقىندا پايدالانۋعا بەرىلمەك.
–جوبا قۇنى 750 ميلليون تەڭگەنى قۇراپ وتىر. جوباعا سايكەس كوپقاباتتى تۇرعىن ۇيدە 18 ءۇش بولمەلى, 36 ەكى بولمەلى جانە وسىنشالىقتى ءبىر بولمەلى پاتەرلەر بولادى. ىشكى بولمەلەردىڭ اۋماعى كەڭ. قابىرعا پانەلدەرى ۇشقاباتتى, ورتاسىنا پەنوپلاست پليتالار سالىنادى. قۇرىلىس نىسانى فين تەحنولوگياسىمەن سالىنۋدا. ءىرى پانەلدى ۇيلەر تەز سالىنادى. بۇرىن 90 پاتەرلىك كوپقاباتتى تۇرعىن ءۇي مونتاجىنا ەكى اپتادان ارتىق ۋاقىت جۇمسالسا, ءبىزدىڭ قۇرىلىسشىلار وسى جۇمىستى توعىز كۇندە اياقتادى. قازىرگى كەزدە عيماراتتىڭ توعىز قاباتى تۇرعىزىلدى.ءۇي قۇرىلىسىنا ەنەرگيا ۇنەمدەۋ تەحنولوگياسى قولدانىلدى, – دەيدى كاسىپورىن باسشىسى الەكساندر دۆورتسەۆوي.