«قايرات» فۋتبول كومانداسى ەۋروپا ليگاسىنىڭ ەكىنشى ىرىكتەۋ كەزەڭىنىڭ العاشقى ويىنىندا وز الاڭىندا البانيانىڭ «سكەندەربەۋ» ۇجىمىمەن كەزدەسىپ, 1:1 ەسەبىمەن تەڭ ءتۇستى.
«قايرات» العاشقى مينۋتتاردان-اق العا ۇمتىلىپ, قارسىلاستارىن قىسپاققا الۋمەن باستادى. ءوز كەزەگىندە قوناقتار دا قاراپ وتىرمادى, كەزدەسۋدىڭ 10-مينۋتىندا ەسەپ اشاتىن مۇمكىندىكتەرى دە بولعان. بىراق «قايرات» قاقپاشىسى ستاس پوكاتيلوۆ ءوز ورنىنان تابىلا ءبىلدى. وسىدان كەيىن نامىسقا باسقان جەرلەستەرىمىز 11-مينۋتتا العاشقى گولدى سالدى. عافۋرجان سۇيىمباەۆ جەتكىزگەن دوپتى جەرار گوۋ قاقپاعا توعىتتى.
ماتچتىڭ ەكىنشى تايمى اسا تارتىسقا تولى ءوتتى. «سكەندەربەۋ» ويىنشىلارى تارازى باسىن تەڭەستىرۋ ءۇشىن بارىن سالدى. ليريدون لياتيفي, ادەنيي گول سوعاتىن مۇمكىندىكتەرى بولعانمەن, ساتتىلىك جەتىسپەي جاتتى. ەسەسىنە 72-مينۋتتا باكاري نيماگا ورايى كەلگەن ءساتتى ءمۇلت جىبەرمەي ەسەپتى تەڭەستىردى.