تايىنشا اۋدانىندا بەلگىسىز بىرەۋدەر زەينەتكەردى توناۋ ماقساتىمەن قاراقشىلىق شابۋىل جاساپ, قۇرىقتالعان بولاتىن.
جۋىردا قىلمىسكەرلەرگە قاتىستى سوت ۇكىمى شىقتى. 1975 جانە 1982 جىلى تۋعان كەللەروۆكا اۋىلىنىڭ اعايىندى تۇرعىندارى ءوز قىلمىستارىن تولىق مويىنداعانىنا قاراماستان 3 جىل 6 ايعا باس بوستاندىقتارىنان ايرىلىپ, جازالارىن جالپى رەجىمدەگى كولونيادا وتەيتىن بولادى.
ولاردىڭ 37 جاستاعى سىبايلاسى كورىنەۋ جالعان اقپارات بەرىپ, قىلمىسقا قاتىستىلىعىن جاسىرماق بولعان. ءسويتىپ, جاۋاپكەرشىلىكتەن جالتارىپ كەتۋدىڭ قيتىرقى امالدارىن قاراستىرعان. الايدا, سوت بارىسىندا قاراقشىلىق شابۋىل جاساۋعا ونىڭ كولىگى پايدالانىلعانى بۇلتارتپاس دالەلدەرمەن موينىنا قويىلدى.
سوت ونى قىلمىستىق كودەكستىڭ 420 بابى بويىنشا /»جالعان كۋالىك ەتۋ»/ ايىپتى دەپ تانىپ, 5 جىل باس بوستاندىعىنان ايىرۋ جازاسىنا كەستى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.