مەرەكەلىك ونكۇندىك مەجەسى

شارانىڭ اشىلۋ راسىمىنە وليمپيادا چەمپيونى, پار­لامەنت ءماجىلىسىنىڭ دەپۋ­تاتى سەرىك ساپيەۆ, قازاق­ستاننىڭ ەڭبەك سىڭىرگەن ءار­تىسى مايرا مۇحا­مەد­قىزى, قازاق­ستاننىڭ تۇڭعىش پرە­زيدەنتى قورىنىڭ لاۋرەاتى, بەلگىلى بالەت ءبي­شىسى دوس­جان تابىلدى جانە مەم­لەكەتتىك ور­گان­داردىڭ وكىل­دەرى, مادەنيەت پەن سپورت قايرات­كەرلەرى, ەلور­دا­مىز­دىڭ تۇرعىندارى مەن مەيماندارى قاتىستى.  ايگىلى وپەرا ءانشiسi مايرا مۇحامەدقىزى اس­تانانىڭ تۋ­عان كۇنى ەرەكشە قۋانىشقا بو­لەيتىن مەي­رامدارىنىڭ ءبىرى ەكە­نىن اتاپ كورسەتتى. «استانا بۇ­گىنگى تاڭدا بۇكىل الەم كوز تىگىپ وتىرعان عاجايىپ قالا­لاردىڭ قاتارىنان ورىن ال­دى. ءبىز وسى ەلور­دامىزبەن بىرگە ءوسىپ كەلە جات­قانىمىزعا قۋا­نىشتىمىز. بۇل قالاداعى ءاربىر عيماراتتىڭ وزىندىك سى­رى بار. ەلوردامىزدىڭ ءارى قاراي دامىپ, وركەندەۋىنە تى­لەك­تەسپىن», دەدى م.مۇحا­مەد­­قىزى. ۇيىمداستىرۋشىلاردىڭ ايتۋىنشا, ونكۇندىك اياسىندا كوپتەگەن بۇقارالىق, ما­دەني-تانىمدىق شارالار جوسپار­لانعان. «كىتاپحاناعا كەلۋشىلەر ءۇشىن «ەلباسى جا­نە استانا» تاقىرىبىندا بى­رە­گەي ءارى كەشەندى كورمە ۇي­ىم­­داستىرىلعان. وندا كوپ­شىلىكتىڭ نازارىنا 60 باسىلىم, 47 ارحيۆ ماتەريال­دارى, مۋزەي جيناعىنان 30 جادى­گەر ۇسىنىلادى. كورمە نەگىز­گى        3 بو­­لىمنەن تۇرادى: ولار «اس­تانا­نىڭ قالىپتاسۋى», «اس­­تانانىڭ قاي­تالانباس بەي­نەسى» جانە «اس­تانا – الەم­دىك ۇن­قاتىسۋ الاڭى» دەپ اتالادى.  مەرەكەلىك ونكۇندىك اياسىندا وزىندىك كوزقاراسى بار اۋەسقوي فوتوسۋرەتشىلەر دە انىق­تالىپ, «ماڭگىلىك ەل» سالتانات قاق­پاسى – قازاقستان­دىقتاردىڭ كوزىمەن» تاقى­رىبىنداعى فو­تو­بايقاۋدىڭ جەڭىمپازدارى ماراپاتتالادى.  سونىمەن قاتار, ءبىلىمىن سىناۋعا نيەت بىلدىرگەندەر ءۇشىن «iDos» گيد-روبوتى زيات­كەرلىك ۆيكتورينا وتكىزىپ, دۇرىس جاۋاپ بەرگەندەرگە سەرتيفيكات تابىستالادى. بۇدان بولەك 5 شىلدە كۇنى كىتاپحانا قابىرعاسىندا كينو كۇندەرى وتەتىنىن ايتا كەتكەن ءجون. ونىڭ بارىسىندا «ەلباسى جولى» كينوەپوپەياسىنىڭ فيلمدەرى كورسەتىلەدى.  ونكۇندىك شىلدەنىڭ 1-نەن 10-نا دەيىن جالعاسادى. ونىڭ اياسىندا تاقىرىپتىق جانە شولۋ ەكسكۋرسيالارى وتكىزىلەدى.

راۋان قايدار, «ەگەمەن قازاقستان»