جەمىستى 20 جىل

الدىمەن فورۋمدى اشقان ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا «بوبەك» ورتالىعىنىڭ 20 جىلدىڭ ىشىن­دە جەتكەن جەتىستىكتەرى مەن باعىن­دىر­عان بەلەستەرىنىڭ ما­ڭىز­دى­لىعىنا توقتالدى.  – «بوبەك» ورتالىعى دەسە جى­لىلىق پەن مەيىرىمنىڭ ورداسى كوز الدىمىزعا ەلەستەيدى. تاۋەلسىز ەلىمىزدىڭ كەمەل بولاشاعى ءۇشىن «بوبەك» ورتالىعىنىڭ اتقارعان جۇ­مىسىنىڭ قانشالىقتى ما­ڭىز­دى بولعانىن سىزدەر بىلە­سىز­­دەر. «بوبەكتىڭ» ءوسۋ, تو­لى­سۋ, قالىپتاسۋ سي­ياق­­تى كە­زەڭ­­دەرىنىڭ ءبارى سارا الپىس­قى­­­زىنىڭ ايرىقشا ەڭبەگىنىڭ ار­قا­سىن­دا ىسكە اسىرىلىپ وتىر. 20 جىل «بوبەك» ءۇشىن تابىس پەن مەي­ىرىمگە تولى ناتيجەلى جىل بول­عانى بارشامىزعا ءمالىم, – دەدى ەلميرا امانگەلدىقىزى.  مەرەيلى جيىن بارىسىندا وسكەلەڭ ۇرپاقتىڭ رۋحاني-ادامگەرشىلىگى مول ازامات رەتىندە قا­لىپتاسۋىنا ەرەن ەڭ­بەك ءسىڭىرىپ كەلە جاتقان «بوبەك» قو­رى­نىڭ ءتورايىمى سارا الپىسقىزى ءسوز الىپ, تاعىلىمدى دا, تاربيەلىك ما­ڭى­زى زور يگىلىكتى شارا جايىندا اڭگى­مە­نى ارى­دەن باستادى. – قاشاننان وسى ءبىر ىزگىلىكتى ءىستى قول­عا العانداعى باستى ماقساتىمىز – بالا بويىنا رۋحاني-ادامگەرشىلىك قاسيەتتى ءسىڭىرۋ بولعان ەدى. وزدەرىڭىز بى­لە­سىزدەر, ءبىز, كىشكەنە كە­زىمىزدەن «جەتىم جىلاسا, جەر-انا كۇڭىرەنەدى» دەگەن ءسوزدى اتا-اجەمىزدەن ەستىپ وستىك. اللانىڭ ماڭدايىما جازعانى بولار, ء«وزىن-ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىن جولعا قويىپ, ىسكە اسىردىق. تاۋەلسىزدىكتىڭ العاشقى جىلدارى وتە قيىن بولعانى ەلدىڭ جادىنان شىعا قويماعان بولار, جەتىم بالالاردى ايالاپ, قامقورلىققا الۋ كەرەك بولدى, – دەي كەلە, سارا الپىسقىزى وسى ىزگىلىك جولىندا جان دۇنيەسى ادامي قاسيەتكە تولى جان­دارمەن بىرگە كەلە جاتقانىن ايت­ىپ, تاربيە, دەنساۋلىق, ءبىلىم بە­رۋ سياقتى بالا جانىنا, جال­پى ادام بالاسىنا كەرەكتى قا­جەت­تىلىكتەر تۋرالى اي­تىپ ءوتتى. فورۋمدا سونداي-اق الماتى قالا­سى اكىمىنىڭ ورىنباسارى ارمان قىرىقباەۆ ءسوز سويلەپ, وسى ۋاقىت ىشىندە ورتالىقتىڭ جاس ۇرپاققا ءتالىم-تاربيە بەرۋدە جانە ولاردىڭ تۇلعا بولىپ قالىپتاسۋىنا قوسىپ وتىرعان ۇلەسىنە توقتالسا, ءال-فارابي اتىنداعى قازاق ۇلت­تىق ۋنيۆەرسيتەتىنىڭ رەكتورى عالىمحايىر مۇتانوۆ پەن اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى تاكير بالىقباەۆ, مادەنيەت قايراتكەرى, پروفەسسور قۇرمان مۇراتاەۆ, سۋرەتشى, دوتسەنت شولپان ابىلعازىقىزى جانە «حابار» اگەنتتىگى ء«وزىن-ءوزى تانۋ» باع­­دارلاماسىنىڭ پروديۋسەرى ريتا كەن­جا­ل­ى­قىزى, ء«ۇمىت» بالالار ءۇيىنىڭ ديرەكتورى مايرا بايمۇقانقىزى, «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ ءتورايىمى گۇلناز كەن­جەتايقىزى, «وتباسى جانە وت­با­سىلىق قۇندى­لىق­تاردى قولداۋ بويىن­شا قازاق­ستان­دىق اتا-انالاردىڭ قاۋىم­داس­تىعى» رەسپۋبليكالىق قو­عامدىق بىرلەستىك جەتەكشىسى ءامينا جومارتقىزى, الماتى قالاسى بوي­ىن­شا قازاقستان مۇسىلماندارى ءدى­ني باسقار­ما­سىنىڭ قىزمەتكەرى ءالي باۋىرجان ۇلى, الماتى رۋحاني سەمينارياسىنىڭ تاربيە ءىسى جونىندەگى پرورەكتورى, ءدىن قىزمەتشىسى يوانن ليۆينسكي, قحا-نىڭ مۇشەسى, رەس­پۋب­ليكالىق مەملەكەتتىك اكا­دە­­ميالىق كورەي مۋزىكالىق كو­مە­ديا تەاترىنىڭ ديرەكتورى ليۋبوۆ ني ء«وزىن-ءوزى تا­نۋ» رۋحاني-ادامگەرشىلىك ءبىلىم بەرۋ باع­دارلاماسىنىڭ ەرەك­شەلىگىنە توقتالىپ, بۇل ءپاننىڭ ادام­نىڭ ءوزىن-ءوزى تانۋى مەن قور­شاعان الەمگە جاعىمدى اسەرى تۋرالى پىكىر الماسىپ, سارا الپىسقىزىنا العىستارىن ءبىلدىردى.  فورۋم قوناقتارىنا «بوبەك» ور­تا­لىعىنىڭ 20 جىلدىعىنا ارنالعان بەي­­نەروليك كور­سە­تىلدى. وتباسى, وتبا­سى­لىق قۇن­دى­لىق­تا­رى تۋرالى كەلەلى ويلارىمەن ءبولىستى. 

گۇلزەينەپ سادىرقىزى, «ەگەمەن قازاقستان» الماتى