مينيستر باستاعان دەلەگاتسيا قۇرامىندا سىرتقى ساۋدا جانە سىرتقى ىستەر مينيسترلىگىنىڭ مەملەكەتتىك حاتشىسى يشتۆان ميكولا, مەملەكەتتىك حاتشىنىڭ ورىنباسارى جولت چۋتورا, ۆەنگريا ءسسسىم-ءنىڭ ورتالىق جانە شىعىس ەۋروپا ەلدەرى مەن ورتالىق ازيا ەلدەرى دەپارتامەنتىنىڭ ديرەكتورى ۆيكتور سەدەركەني, ۆەنگريانىڭ قازاقستانداعى توتەنشە جانە وكىلەتتى ەلشىسى اندراش باراني, سونىمەن بىرگە قازاقستاننىڭ ۆەنگرياداعى توتەنشە جانە وكىلەتتى ەلشىسى رۇستەم نۇرباح بولدى.
مارتەبەلى مەيمانداردى اكادەميا باسشىسى دارحان قىدىرالى قارسى الىپ, ۇيىمنىڭ قىزمەتى مەن تاريحى جايلى جان-جاقتى مالىمەت بەردى.
TWESCO-نىڭ كوشپەلى وركەنيەت پەن لوتاق قۇندىلىقتاردى زەرتتەپ, زەردەلەۋدەگى ماڭىزىن ەرەكشە اتاپ وتكەن مينيستر اكادەميانىڭ جۇمىسىن جوعارى باعالادى.
كەزدەسۋدە تاراپتار ەكىجاقتى عىلىمي ىنتىماقتاستىقتى ودان ارى دامىتىپ, كەلەشەكتە بىرلەسكەن جوبالار جۇرگىزۋگە ۋاعدالاستى. ماجارستان مەن اكادەميا اراسىندا قالىپتاسقان سەرىكتەستىك ناتيجەسىندە جۇزەگە اسىرىلعان جوبالار جونىندە دە ايتىلدى. سونىمەن قاتار ماجارستان ۇلتتىق عىلىم اكادەمياسىمەن اراداعى ىنتىماقتاستىقتى دامىتۋ ماسەلەلەرى دە ءسوز بولدى.
ايتا كەتۋ كەرەك, حالىقارالىق تۇركى اكادەمياسى تۇركى الەمىنىڭ ىنتىماقتاستىق ينستيتۋتتارى اراسىندا باقىلاۋشى مارتەبەسىنە ءوتىنىش قابىلداعان العاشقى ۇيىم.