– قۇرىلتايدىڭ سالتاناتتى اشىلۋىمەن قاتار, اۋا رايى دا تاماشا تامىلجىپ تۇر. اي ديدارلى استاناعا قاراپ قازاق قاۋىمىنىڭ جاڭا ءداۋىرىن كورىپ تۇرعان سياقتىمىن. ءتىل, مادەنيەت, ساياسات, ەكونوميكا, ت.ب. بارلىق سالا بويىنشا قازاقستان ورتالىق ازياداعى كوشباسشى ەلگە اينالدى. ءتىپتى, سوڭعى جىلدارى عالامدىق كۇردەلى ماسەلەلەردى شەشۋ جولىندا قازاقستان پرەزيدەنتى نۇرسۇلتان نازارباەۆتىڭ جەكەلەي بەت-بەدەلى ىقپال ەتۋدە. وسىعان قاراپ سىزدەردىڭ باسشىلارىڭىز ءبىر عانا مەملەكەتتى باسقارۋ شەگىنەن اسىپ, حالىقارالىق ماڭىزدى شەشىمدەردىڭ كۇردەلى ءتۇيىنىن تارقاتۋعا شاماسى جەتكەنىن ايتۋعا ءتيىسپىز. سونىڭ ءبىرى – قازىرگى ءوتىپ جاتقان ەكسپو-2017 مامانداندىرىلعان حالىقارالىق كورمەسى مەن بۇگىنگى الەم قازاقتارىنىڭ باسىن قوسىپ وتكىزىپ جاتقان قۇرىلتاي ءىسى. موڭعول جۇرتى اتىنان قۇرىلتاي قوناقتارىن قۇتتىقتايمىن. داگۆا تساحيلگاان, الەم موڭعولدارى كونگرەسىنىڭ توراعاسى