− جالپى, ەڭ ۇلكەن توي دۇنيەجۇزى قازاقتارىنىڭ I قۇرىلتايى ناعىز اق تۇيەنىڭ قارنى جارىلعان ۇلى جيىن بولىپ ەدى. بۇل جيىن جايلى كەزىندە ءبىراز جازدىم. ەندى ويلاپ وتىرسام, ول توي الەم قازاعىنىڭ تاۋەلسىزدىك العانىمىزعا شاتتانعان اعىل-تەگىل قۋانىشى ەكەن عوي. سودان بەرى, مىنە, بەسىنشى قۇرىلتايدىڭ دا ۋاقىتى كەلىپتى. بىلاي قاراپ وتىرساڭىز, جىل سايىن قانداستارىمىز تۇراتىن تۇركيا, ەۋروپا, رەسەي سىندى وزگە ەلدەردە كىشى قۇرىلتاي وتەدى دە, اراعا بەس جىل سالىپ ۇلكەن قۇرىلتاي ۇلكەن ءۇي – قازاقستاندا وتەدى. مۇنىڭ ءوزى تاماشا ويلاستىرىلعان دۇنيە. ەكىنشى ءبىر ايتايىن دەگەنىم, قايبىر جىلى گەرمانيادا وتكەن كىشى قۇرىلتايعا قاتىسىپ, كەلەر جىلى شۆەتسيادا وتكەن كەزەكتى كىشى قۇرىلتايعا بارسام, سول جيىننىڭ تورىندە ءشارىپ نايمان دەگەن اقساقال اعام وتىر. ول كىسى سول جەردەگى قازاقتىڭ قىزىنا قۇدا ءتۇسىپ كەلىپ وتىر ەكەن. سويتسەك, ەكى جاس وتكەن جىلعى كىشى قۇرىلتايدا ميۋنحەندە تانىسىپتى. ءسويتىپ, جاستاردىڭ ۇيلەنۋ تويىنا قاتىسىپ قايتقانىمىز بار. دەمەك, بيىلعى قۇرىلتايعا جاستاردىڭ كوپ كەلۋى, ءبىر-بىرىمەن تانىسۋى بولاشاقتا اعايىندىققا, قۇداندالى بولۋعا جول اشادى ەكەن.
الىبەك اسقار, جازۋشى