اقمولانىڭ مادەني كۇندەرى باستالدى

وبلىس اكىمى ءوزىنىڭ قۇتتىقتاۋ سوزىندە ەكسپو-2017 حالىق­ارا­لىق كورمەسىنىڭ اياسىندا ءوتىپ جات­قان مىڭداعان شارالاردىڭ ءبىرى اقمولانىڭ مادەني كۇندەرى ەكەنىن اتاپ ءوتتى. ء«بىز ءوزىمىزدىڭ سان قىرلى باي مادەنيەتىمىزدى, ولكەمىزدىڭ بىرەگەي ءداستۇرىن استانا جۇرتشىلىعىنا ۇسىنىپ جاتقانىمىزعا قۋانىشتىمىز», دەدى اكىم. ول سونداي-اق, اقمولا وب­لى­سى ەسكپو-عا جيىلعان قو­ناقتار لەگىن كۇتەتىنىن ما­لىم­دەدى. ويتكەنى, وبلىس اۋ­ما­عىن­دا ەلىمىزدىڭ تابيعاتى تا­­ما­­شا جەرلەرى – بۋراباي مەن قورعالجىن قورىعى بار. اسى­رە­سە, شەتەلدىك قوناقتاردىڭ وسى ءبىر اسەم جەرلەردى ارالايتىنى ءسوز­سىز.  سونىمەن, اقمولا وبلى­سى­نىڭ مادەني كۇندەرى 20-25 ماۋ­سىم ارالىعىن قامتيدى. العاشقى شارالار لەگى ءوتىپ تە ۇلگەردى. مىسالى, «ارقانىڭ كەربەز سۇلۋ كوكشەتاۋى» گالا-كون­تسەرتى ۇلكەن انشلاگپەن ءوتتى. 22-25 ماۋسىم ارالىعىندا «قازانات» يپپودرومىندا ورنالاسقان «ەتنواۋىلدا» كوك­­شەتاۋ قالاسى مەن قور­عال­جىن, بۋراباي, شورتاندى اۋ­دان­­- دارىنىڭ شەبەرلەرى تابيعي ما­تەريالداردان جاسالعان بۇي­ىمدارىن ساتىلىمعا قويادى, وعان قوسا شەبەرلىك سىنىپتارىن وت­كىزەدى. سونداي-اق, وسى جەردە «دا­لا سىرى» كونتسەرتى وتەدى. جالپى, اقمولا وبلىسىنىڭ ما­دەني كۇندەرى اياسىندا كوپ­شى­لىككە «ەتنواۋىلدىڭ» امفي­تە­اترىندا وبلىستىق ورىس درا­ما تەاترى «شىڭعىس حان» روك-وپەراسىن, ش.قۇسايىنوۆ اتىن­دا­عى قازاق مۋزىكالىق-درا­ما تە­اترى «كوكشە اۋەندەرى» كون­تسە­ر­ت­­تىك باعدارلاماسىن ۇسىنادى. اتالمىش تەاترلار ەلورداداعى «جاستار» سارايىندا دا بىرقاتار درامالىق تۋىندىلارىن ساحناعا شىعارماق. 

 ايگۇل سەيىلوۆا, «ەگەمەن قازاقستان»