سايلاۋ ەلەكتروندىق جۇيەمەن باقىلانادى

سونىمەن, 28 ماۋسىمعا بەل­گىلەنگەن پارلامەنت سەناتى­­نىڭ دەپۋتاتتارىن سايلاۋعا حا­لىقارالىق ۇيىمدار مەن شەت مەم­لەكەتتەر­دىڭ بايقاۋشى­لا­رىن اككرەديتتەۋ اياقتالدى. ورتا­لىق ساي­لاۋ كوميسسياسىنىڭ مۇ­شەسى مارات سارسەمباەۆتىڭ ما­لى­مەتىنشە, سىرتقى ىستەر مي­نيسترلىگى سايلاۋدى بايقاۋ جو­نىندەگى 2 ميسسيادان, 2 حا­لىق­ارالىق ۇيىم مەن 8 شەت مەم­لە­كەتتەن تاعى 118 بايقاۋشىنى اككرە­ديتتەۋدى ۇسىن­عان. ولار­دىڭ ىشىندە 66-سى – تمد باي­قاۋ­شىلار ميسسياسىنان.  تارقاتىپ ايتساق, تمد پار­لا­مەنت­ارالىق اسسام­بلەيا­سى­نان – 13 بايقاۋشى, شانحاي ىن­تىماقتاستىق ۇيىمىنان – 12, بە­لارۋس جانە رەسەي وداعى پار­­­لامەنتتىك جينالى­سى­نان – 3, تۇركى­تىلدەس ەلدەردىڭ ىن­­تىماقتاستىعى كەڭەسىنەن – 10, تۇركىتىلدەس ەلدەردىڭ پار­لامەنتتىك اسسامبلەياسىنان – 5 جانە 11 شەت مەملەكەتتەن 25 باي­قاۋشى بار. ال ورتالىق سايلاۋ كومي­س­سيا­سى 172 بايقاۋ­شىنى اككرە­ديت­تەدى. ولاردىڭ ىشىندە 106-سى – تمد ميسسياسىنان. حالىقارالىق بايقاۋشىلار قاتا­رىندا 15 شەت مەملەكەتتىڭ ور­تالىق سايلاۋ ورگاندارىنىڭ باس­شىلىعى, رەسەي مەملەكەتتىك دۋماسىنىڭ, فەدەرال­دىق جي­نا­لىسى فەدەراتسيا كەڭەسىنىڭ جا­نە تمد ەلدەرى مەن تۇركىتىلدەس مەملەكەتتەر پارلا­­م­ەنت­تەرىنىڭ دە­پۋتاتتارى, قازاق­ستانداعى ديپ­لو­ماتيالىق ميسسيالاردىڭ ەل­شىلەرى مەن جوعارى لاۋازىمدى رەسمي تۇلعالار بار.  – ورتالىق سايلاۋ كوميس­سيا­سىنىڭ بۇگىنگى وتىرىسىندا شەتەلدىك بايقاۋ­شىلاردىڭ ما­سە­لەسى كوتەرىل­دى. ەرەجە بويىنشا ال­دىمەن ەلىمىزدىڭ سىرتقى ىستەر مينيسترلىگى بايقاۋشىلاردى اكرەديتتەۋدەن وتكىزىپ, ءتىزىمدى بىزگە ۇسىنادى. سايلاۋعا ءبىر كۇن قالعاندا بايقاۋشىلاردىڭ كوبى وسىندا كەلەدى. ولار استانادا عا­نا ەمەس, ەلىمىزدىڭ باسقا دا وڭىر­لەرىندە سايلاۋدىڭ ءادىل ءارى تا­لاپقا ساي ءوتۋىن باقىلايدى, – دەيدى ورتالىق سايلاۋ كوميس­سيا­­سىنىڭ مۇشەسى مارات سار­سەم­باەۆ. ونىڭ ايتۋىنشا, بيىل ساي­لاۋ پروتسەسىن وتكىزۋدى باقىلاۋ ءۇشىن العاش رەت ەلەكتروندى جۇ­يە ەنگىزىلىپ وتىر. وسى جۇيە ار­قى­لى تەك اكرەديتتەۋدەن وتكەن باي­قاۋشىلار, جۋرناليستەر عا­نا ەمەس, بۇكىل ەل تۇرعىندارى داۋىس بەرۋ ءۇر­دىسى بارلىق زاڭ تالاپتارىنا ساي وتكىزىلىپ جات­قا­نىن كومپيۋتەر ارقىلى باقىلاي ا­لادى. بۇل – دەموكراتيالىق قو­عامعا ءتان قۇبىلىس, دەيدى ول.  ورتالىق سايلاۋ كوميسسيا­سى­نىڭ وتىرىسىن­دا كۇن تار­تى­بىندە قارالعان تاعى ءبىر ما­سەلە – وسكەمەن قالالىق ءماس­لي­حاتىنىڭ شىعىپ قالعان دەپۋ­تا­تى­­نىڭ ورنىنا سايلاۋدى كەلىسۋ تۋ­رالى بولدى.  «قازاقستان رەسپۋبلي­كا­سىن­داعى سايلاۋ تۋرالى» زاڭ­نىڭ 101-بابى, 4-تارماعىنا ساي­كەس شىعىپ قالعان ءماسليحات دە­پۋ­تاتىنىڭ ورنىنا سايلاۋ وسى جىلعى 30 شىلدەگە تا­عاي­ىن­دالعان. مۇنى ءبىراۋىزدان ما­­قۇلداعاننان كەيىن شىعىس قا­زاق­ستان وبلىستىق سايلاۋ كوميس­سيا­سىنا سايلاۋعا دايىندىق جا­نە ونى وتكىزۋگە بايلانىس­تى ۇيىمداستىرۋ-ادىستەمەلىك جۇ­مىس­تاردى جۇرگىزۋ تاپسىرىلدى.

قىمبات توقتامۇرات, «ەگەمەن قازاقستان»