استانا اۋەجايى – باس قالانىڭ عانا ەمەس, تاۋەلسىز ەلىمىزدىڭ نەگىزگى قاقپاسى, باستى اۋە ءدالىزى. قازاقستاندى الەم ەلباسىنىڭ كورەگەن ساياساتى, كەمەل وي مەن كەنەن اقىلى, باتىل دا تاۋەكەلشىل باستاماسى ارقىلى تانىدى. سوندىقتان ەندىگى جەردە ەلىمىزدىڭ باس قاقپاسىنا تابانى تيگەن ءاربىر ازاماتتىڭ الدىندا ءدال وسى قۇندىلىعىمىزدى ودان سايىن ايشىقتاي تۇسەتىن بولامىز. قازاقستان حالقىنىڭ ورتاق قالاۋى ءبىر ارناعا توعىسىپ, تاريحي ستراتەگيالىق ماڭىزدى شەشىم شىعارىلعانى − ءبىز ءۇشىن زور ماقتانىش, ۇلكەن مارتەبە. تاۋەلسىز ەلىمىزدىڭ تەرەزەسى تەڭ, كەرەگەسى كەڭ مەملەكەت بولعانىنا 26 جىلعا اياق باسسا, ەلدىڭ باس قالاسى − استانانىڭ اجارلانىپ, ساۋلەتىمەن دە, داۋلەتىمەن دە بەرەكە مەن بەيبىتشىلىكتىڭ رۋحاني ورداسىنا اينالعانىنا تۋرا 20 جىل تولعالى وتىر. اۋەجايعا ەلباسى ەسىمىنىڭ بەرىلۋى وسى ماڭىزدى مەرەيتوي قارساڭىندا ەلدىڭ ەلدىگىن, ەردىڭ ەرلىگىن تەرەڭنەن تانىتا تۇسەتىن قۇتتى قادام بولدى دەپ بىلەمىز. بۇل – ەلباسىنا دارا ساياساتكەر رەتىندەگى تۇلعاسى مەن ولشەۋسىز ەڭبەگىنە حالىقتىڭ بەرگەن لايىقتى باعاسى. ءبىز ۇنەمى اۋەدە جۇرەمىز, ماڭگى اسقاق كورىنەتىن اسپاندا قىرانداي قالىقتاعان اسكەري قىزمەتىمىزدە بىزدەن قالت جىبەرمەس قىراعىلىق تالاپ ەتىلەدى. وسى جاۋاپتى دا كۇردەلى قىزمەت بارىسىندا ەلىمىزگە ءزاۋ بيىكتەن كوز سالا ءجۇرىپ, بويىمىزدى ۇنەمى ماقتانىش سەزىمى بيلەيدى. ەندى استانا اۋەجايىنىڭ اتى اتالىپ, توبەسى كورىنگەن سايىن ءبىزدىڭ جۇرەگىمىزدە سول ەلجاندىلىق سەزىمى ەسەلەنە تۇسەتىن بولادى. بۇل – قالىڭ ەلىمىزدىڭ ەلباسىن جۇرتىنىڭ باعىنا تۋعان, ادامزاتقا ورتاق پەرزەنت دەپ قاستەرلەيتىنىنىڭ, تاۋەلسىز ەلىمىزدىڭ باس يەسى, قاھارمان ۇلى دەپ باعالايتىنىنىڭ بەلگىسى. ەلباسىمەن بىرگە ەلىمىزدىڭ الار اسۋى, شىعار بيىگى, جەتەر تابىسى ءالى دە الدا ەكەنىنە ءشۇباسىز سەنىمدىمىز. ەلباسىمىز الاشتىڭ باقىتى ءۇشىن امان بولسىن. كورەگەن كوشباسشىلىعىمەن قازاقستاننىڭ ابىرويى, حالىقتىڭ اۋىزبىرلىگى ارتا بەرسىن!
ايدىن ايىمبەتوۆ, اسكەري ۇشقىش-كوسموناۆت, قازاقستان اسكەري-اۋە كۇشتەرىنىڭ گەنەرال-مايورى, حالىق قاھارمانى جانە تالدىقورعان اۋە بازاسىنىڭ ۇشقىشتارى الماتى وبلىسى