پايدالانۋعا بەرىلگەن نىسان ءتورت دەڭگەيدەن تۇرادى. ونىڭ ۇشەۋى حالىقارالىق رەيستەرگە ارنالسا, ءتورتىنشىسى حالىقارالىق جانە ىشكى رەيستەر جولاۋشىلارىنىڭ ايماعىنا بولىنگەن. وندا جولاۋشىلاردى تىركەيتىن 26 بىردەي ورىن جانە تولقۇجات تەكسەرەتىن 42 كابينا ورناتىلعان. ادەتتە جولاۋشىلار ۇزىن-سونار كەزەككە تۇرىپ, سول جەردەن وتىرعىزۋ تالوندارىن الىپ, جۇكتەرىن تاپسىرىپ جاتادى. وعان قوسا, تىركەۋدەن ءوتۋ ءۇشىن كەم دەگەندە ءبىر ساعات بۇرىن كەلۋ كەرەك-ءتىن. ەندى جاڭا عيماراتتا ورنالاسقان اۆتوماتتى تەرمينالدار ارقىلى وتىرعىزۋ تالوندارىن قولما-قول الۋعا بولادى. ول قىزمەت ءتۇرى جۇكتەرى از جولاۋشىلار ءۇشىن اسا ءتيىمدى. تولقۇجات پەن بيلەت ءنومىرىن ەنگىزگەننەن كەيىن تىركەۋدىڭ كەزەگىنە تۇرماي-اق, ءارى قاراي وتە بەرەدى. بۇرىن قىزمەتتىڭ بۇل ءتۇرىن تەك «ەير استانانىڭ» جولاۋشىلارى عانا قولداناتىن. بۇدان بىلاي كەز كەلگەن اۋە كومپانياسىنىڭ كليەنتتەرى پايدالانا الادى. شارا بارىسىندا بىلگەنىمىزدەي, جاڭا جۇيەنىڭ ارقاسىندا قول جۇكتەردىڭ 1200 داناسىن ءبىر ساعاتتىڭ ىشىندە وتكىزۋگە بولادى. جۇكتەردى وتكىزۋ جۇيەسىنىڭ باستى ەرەكشەلىگى سول, قانداي دا ءبىر قاۋىپتى جۇكتەر بولسا, ول اۆتوماتتى تۇردە باسقا جولاققا اۋىسادى دا, قاۋىپسىز ايماققا شىعارىلادى. زامان تالابىنا ساي وزىق تەxنولوگيالارمەن جابدىقتالعان جاڭا تەرمينال كوپ جۇكتەرى جوق جولاۋشىلارعا, ءتىپتى ءتيىمدى. ولار وتىرعىزۋ تالونىن الماي-اق, ۇيالى تەلەفوننىڭ كومەگىمەن تولقۇجاتتى تەكسەرۋ ايماعىنا وتە الادى. وسىلايشا, تىركەۋگە كەتەتىن ۋاقىتتى ءبىرشاما ۇنەمدەۋلەرىنە مۇمكىندىك بار. ماماندار جاڭا تەxنولوگيانىڭ تاعى ءبىر ءتۇرى – شتريx-كود ارقىلى تىركەۋدەن ءوتۋ قىزمەتى ەكەنىن ايتادى. بۇعان تالون الۋدىڭ قاجەتى جوق ەكەن. اسىعىپ تۇرعان جولاۋشى ينتەرنەت ارقىلى بيلەت ساتىپ الىپ, تىركەۋدەن وتسە بولعانى, اۋە كومپانياسى وعان وتىرعىزۋ تالونىن جىبەرەدى. تالوندا شتريx-كود بار. مىنە, سول بەلگىمەن جولاۋشى ەش كەدەرگىسىز باقىلاۋدىڭ كەلەسى كەزەڭىنە وتە الادى. ەكىنشى قاباتتا تولىعىمەن ءدامxانالار مەن مەيرامxانالار ورىن تەبەدى. VIP-ايماقتا دارەتxانالارمەن بىرگە, دۋش تا بار. تەرمينالدىڭ جالپى اۋدانى 47 مىڭ شارشى مەتردى قۇرايدى. ەكىنشى نىسانمەن ۇلعايعان استانا اۋەجايىنىڭ جاڭاسى «ت1» دەپ بەلگىلەنسە, ەسكى عيمارات «ت2» دەپ اتالماق. ايتا كەتەرلىگى, اۋەجايدىڭ جاڭا تەرمينالى رەيستەرگە قىزمەت كورسەتۋ جۇمىسىن بەس-التى كۇننەن كەيىن باستايدى. ەسكى عيماراتتان ىشكى رەيستەر ۇشىرىلسا, جاڭا تەرمينال xالىقارالىق رەيستەرگە قىزمەت كورسەتپەك. جاڭا نىسان جىلىنا 5 ملن جولاۋشىنى قابىلداسا, ەسكى عيماراتپەن بىرگە بۇل كورسەتكىشتى 8,2 ملن جولاۋشىعا دەيىن جەتكىزۋگە مۇمكىندىك بار. جوسپارعا سايكەس, ەكسپو-2017 كورمەسى اياسىندا استانا اۋەجايى ارقىلى وتەتىن ىشكى جانە سىرتقى رەيستەردىڭ سانى ارتادى.
اسحات رايقۇل, «ەگەمەن قازاقستان»