مەملەكەت باسشىسىنىڭ اتىنا وڭتۇستىك قازاقستان وبلىسى, تولەبي اۋدانىنىڭ تۇرعىندارىنان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
حات يەلەرى قازاقستاننىڭ ىرگەلى مەملەكەت رەتىندە قالىپتاسۋى مەن دامۋى تاۋەلسىزدىكتىڭ ناتيجەسى ەكەنىن اتاپ وتەدى. ودان ءارى اۆتورلار: « ۇلى دالادا جاڭا, تۇراقتى, قۋاتتى مەملەكەت قۇرىلدى. ەلىمىزدىڭ ىرگەسىن بۇتىندەپ, شەكارامىزدى بەكەمدەدىك. ەكونوميكالىق الەۋەتىمىز بەن مادەنيەتىمىز, ءدىنىمىز بەن سالت-ءداستۇرىمىز ەسەلەپ ارتىپ, وتانىمىز بەرەكە مەن بىرلىكتىڭ كيەلى مەكەنىنە اينالدى», دەپ جازادى.
مەملەكەت باسشىسىنا زور تابىس, ەل يگىلىگى جولىنداعى قىزمەتىنە ساتتىلىك تىلەگەن ۇجىمدىق حاتقا تولەبي اۋدانىنىڭ قۇرمەتتى ازاماتتارى: ز.تاشەۆ, ق.وڭعاروۆ, ە.تۇرعىنبەكوۆ, سوعىس ارداگەرلەرى: ءو.ساحوۆ, ءا.سانسىزباەۆ, ق.نۇسقاباەۆ, ج.تۇكتىباەۆ, ت.ب. قول قويعان.