ورىس ءتىلىنىڭ بىلگىرلەرى جۇلدەگەر اتاندى

مادەنيەت مينيسترلىگىنىڭ ءتىل كوميتەتى جانە قازاق ەلىندەگى ورىس قاۋىمى ەلىمىزدەگى رەسەي ىن­تىماق­تاس­تىق وكىلدىگىنىڭ قول­داۋى­­مەن «قازاقستان رەسپۋبليكا­سى­نىڭ مادەنيەت مينيسترلىگى مەن قازاقستاننىڭ ورىس قاۋىمى اراسىنداعى ءوزارا تۇسىنىستىك پەن ىنتىماق­تاس­تىق تۋرالى» مەمو­ران­دۋمعا سايكەس جاقىندا قا­زاق­ستان حالقى تىلدەرىنىڭ ءحىىى فەستيۆالى اياسىندا رەسەي عىلىم جانە مادەنيەت ورتالىعىندا «ءتىل – بارلىق ءبىلىمنىڭ كىلتى» اتتى ورىس ءتىلى بىلگىر­لەرى­نىڭ بايقاۋىن وتكىزدى. بايقاۋ مەملەكەتتىك تىلدە وقي­تىن جاستاردىڭ باسقا ءتىل­دەردى مەڭگەرۋگە دەگەن شى­عارماشىلىق قابىلەتتە­رىن جانداندىرۋدى, ءسوي­لەۋ مادەنيەتىنىڭ دەڭگەيىن ارت­تى­رۋدى, ولاردى تولە­رانت­تى­لىق تۇر­عىدا تاربيەلەۋدى نەگىزگە الا وتىرىپ ۇيىم­داس­تى­رىلدى. شا­را­نىڭ نەگىزى ەلباسى نۇرسۇلتان نازار­باەۆ­تىڭ باستاماسىمەن قول­­عا الىنعان «تىلدەردىڭ ءۇش­تۇ­عىرلىعى» مادەني جو­با­سىن جۇزەگە اسىرۋعا با­عىت­تالعان. بۇل بايقاۋعا بارلىق وب­لىستاردا جانە استانا, ال­ماتى قالالارىندا وتكەن جا­رىستاردا وزىپ شىققان 14-22 جاستاعى جو­عارى وقۋ ورىن­دارىنىڭ, كول­لەدج­دەر­دىڭ ستۋدەنتتەرى, مەكتەپ وقۋ­شىلارى قاتىستى. وسى شاراعا مادەنيەت ۆيتسە-ءمينيسترى ع.تەلەباەۆ, پارلامەنت سە­نا­تىنىڭ دەپۋ­تاتى ا.باشماكوۆ, ءتىل كو­مي­تەتىنىڭ توراعاسى ش.قۇر­مان­­باي ۇلى, قازاقستان رەس­پۋب­لي­كاسىنداعى رەسەي ەلشى­لى­گىنىڭ اعا كە­ڭەسشىسى س.اننەنكوۆ, پروفەسسورلار ۆ.كوچەنوۆ, ن.شاي­مەردەنوۆا, وزگە دە زيالى قاۋىم وكىلدەرى قاتىستى. بايقاۋ قورىتىندىسىندا باس جۇلدەنى پاۆلودار وبلى­سىنان كەلگەن 11-سىنىپ وقۋ­شى­سى ب.قاي­ىر­بەكوۆ, ال ءبىرىنشى ورىندى ءوڭتۇس­تىك­قا­زاق­ستاندىق 11-سىنىپ وقۋشى­سى ءا.باۋىرجانقىزى السا, ەكىنشى ورىندى استانالىق 11-سى­نىپ وقۋ­شىسى م.مۋسينا, ءۇشىنشى ورىندى اقمولالىق ستۋدەنت ءا.نۇرعوجينا يەلەندى. ولار­عا باعالى سىيلىق­تار تاپ­سىرىلدى. سۇلەيمەت مامەت.