تاۋەلسىزدىككە تارتۋ

كەشە استاناداعى «اتامەكەن» قا­زاقستان كارتاسى» ەتنو-مەموري­ال­دىق كەشەنى ەلىمىز تاۋەلسىزدىگىنىڭ 20 جىلدىعىنا ارنالعان «تاۋەلسىزدىكتىڭ 20 جىلدىق شىڭى» اتتى مۇراجاي پانوراماسىنىڭ سالتاناتتى تۇساۋ­كەسەرىن وتكىزدى. وعان تۇركسوي حا­لىقارالىق ۇيىمىنىڭ باس ديرەك­تو­رى دۇيسەن قاسەيىنوۆ, ت.جۇرگەنوۆ ات­ىن­داعى ونەر اكادەمياسىنىڭ رەك­تو­رى ارىستان مۇحامەدي ۇلى, استانا قالاسىنداعى, ەسىل  اۋدانىنىڭ اكىمى قاي­رات جاڭابەرگەنوۆ, سونداي-اق تا­­ريح­شى عالىم بۇركىتباي اياعان قاتى­سىپ, مۇراجاي اكىمشىلىگىنە وسىنداي يگى شا­رانى ۇيىمداستىرعاندارى ءۇشىن ال­عىس­تارىن ءبىلدىردى. سونداي-اق, ۇجىم­دى تاۋەلسىزدىكتىڭ 20 جىلدىعىمەن تۇسپا-تۇس كەلگەن 10 جىلدىق مەرەكەلەرىمەن قۇتتىقتادى. «تاۋەلسىزدىكتىڭ 20 جىلدىق شىڭى» اتتى مۇراجاي پانوراماسىندا كورىنىستەر تاۋەلسىز جاس مەملەكەتتىڭ پايدا بولىپ, قالىپتاسۋى مەن قۇرىلۋ كەزەڭدەرىنەن قازىرگى كەزەڭگە دەيىنگى 20 جىلداعى وزگەرىستەر مەن جەتىستىكتەردى كەڭىنەن ناسيحاتتاۋ جانە قازاق حال­قى­نىڭ ەتنوستىق مادەنيەتى جايلى جالپى اۋ­ماقتى قامتىعان. بۇل مۇراجاي پانورامانىڭ جوباسى ت.جۇرگەنوۆ اتىنداعى ونەر اكا­دە­ميا­سىمەن بىرلەسە ىسكە اسىرىلىپتى. ەلوردانىڭ كوز تارتار جەرلەرىنىڭ ءبىرى – اتالعان ەتنو-مەموريالدىق كەشەن 2001 جىل­دىڭ قىركۇيەك ايىندا ەلباسى ن.ءا. نا­زار­باەۆتىڭ باستاماسىمەن اشىلعان. مۇندا ۇلان-بايتاق ەلىمىزدىڭ دارا بولمىسى مەن باعزى بەينەسىنەن, سونىمەن قاتار, جالپى تاريح بەتتەرىنەن تەرەڭ سىر شەرتەتىن حال­قى­مىزدىڭ ەڭ كونە جادىگەرلەرى, كورنەكتى دە كيەلى ورىندارى كورىنىس العان. بۇل كورىنىستەر 1,7 گا اۋماقتى الىپ جاتىر. استاناعا ارنايى كەلگەن جۇرتشى­لىق­تىڭ كەشەندى ارالاعان كەزىندە ۇلان-عايىر ەلدىڭ كورىنىسىن كوز الدىنا سۇلۋلاندىرا كەل­تىرەتىن بۇل مۇراجايدان كوڭىلگە تۇيەر دۇنيەلەر مول ەكەنى ايقىن. بۇل تۇرعىدا مۇراجاي قىزمەتكەرلەرىنىڭ قىزمەتى سىزگە قا­شاندا ءازىر. ءابدىراحمان قىدىربەك. سۋرەتتى تۇسىرگەن مۇحتار حالداربەكوۆ.