ۋنيۆەرسيتەت كاسىپكەرلەردى قولدايدى

وبلىس ورتالىعىندا ەلىمىزدە العاشقى بولىپ وڭىرلىك كاسىپكەرلىكتى قولداۋ ورتا­لىعى اشىلدى. بۇل ورتالىق ەلىمىزدەگى «دامۋ» كاسىپكەرلىكتى دامىتۋ قورى اكتسيونەرلىك قوعامى مەن سۇلتانماحمۇت تورا­ي­­عىروۆ اتىنداعى مەملەكەتتىك ۋنيۆەر­سي­تەت­تىڭ باستاماسىمەن وقۋ ورنىنداعى عى­لىمي-تەحنولوگيالىق پارك اياسىندا قۇ­رىل­دى. وسى باستاما ارقىلى اكتسيونەرلىك قوعام مەن ۋنيۆەرسيتەت اراسىنداعى ءارىپ­تەستىك بايلانىس جونىندەگى مەموراندۋمعا قول قويىلدى. قوعامنىڭ باسقارما ءتور­اعا­سى بولات مۇقىشەۆتىڭ ايتۋىنشا, وقۋ ورنى جانىنان اشىلىپ وتىرعان بۇل ور­تالىق ءوڭىردىڭ كاسىپكەرلەرىنە جان-جاقتى كومەك كورسەتە الادى. جالپى, بۇگىنگى كۇن­دەرى «دامۋ» قورى «كاسىپكەرلىكتى قول­داۋ ورتالىقتارىن قۇرۋ» اتتى باعدا­رلا­ماسىن تىڭعىلىقتى تۇردە وسىلاي جۇزەگە اسى­رىپ كەلەدى. ياعني, وسى قور كومەگى ار­قىلى ەلىمىزدە حالىقارالىق, وڭىرلىك جانە اۋ­دان­دىق دەڭگەيدەگى كاسىپكەرلىكتى قولداۋ ورتالىقتارىن قۇرۋ كوزدەلگەن. جالپى, «دامۋ» قورى مۇنداي ورتالىقتاردى قۇرۋ تۋرالى شەشىمدى ەلىمىزدىڭ بارلىق ءوڭىر­لە­رىندە وتكەن جىلدان بەرى قولعا الا باس­تا­عان ەكەن. ونداعى ماقسات – كاسىپكەرلەرگە كەشەندى تۇردە اقپاراتتىق جانە كونسالتينگتىك قىزمەت كورسەتۋ, سونىمەن قاتار, تۇر­عىن­داردىڭ كاسىپكەرلىك بەلسەندىلىگىن ارت­تىرۋعا, وڭىرلىك كاسىپكەرلىكتىڭ دامۋى­نا ىقپال ەتۋ بولىپ تابىلادى. ال, «بيز­نەس-كەڭەسشى» باعدارلاماسىنىڭ شەڭبە­رىن­دە جۇرگىزىلگەن ماركەتينگتىك زەرتتەۋ با­رى­سىن­دا رەسپوندەنتتەردىڭ 94,5 پاي­ىزدان استامى كاسىپكەرلىكتى قولداۋ ورتا­لىق­تارى قاجەت, ولاردىڭ قىزمەتى وتە ۇلكەن سۇ­را­نىسقا يە بولادى دەگەن پىكىر ايتقان ەكەن. كاسىپكەرلىكتى قولداۋ شەڭ­بە­رىندە مىسالى, بيزنەستى قۇرۋ جانە جۇمىس ىستەپ تۇرعان بيزنەستى وڭتايلى جۇرگىزۋ بويىنشا, قار­جىلىق جانە زاڭگەرلىك كە­ڭەس, سىرتقى نا­رىقتا بيزنەس جۇرگىزۋ مەن دامىتۋ بوي­ىن­شا ۇسىنىستار مەن كەڭەس بەرە الادى. مار­كەتينگتىك زەرتتەۋلەر ءجۇر­گىزەدى, جۇ­مىس ىستەپ جۇرگەن كاسىپ­كەر­لەر مەن بيزنەس قۇرۋعا تالپىنىپ وتىرعان جانداردىڭ بىلىكتىلىگىن ارتتىرۋعا باعىت­تال­عان وقىتۋ كۋرس­تارىن, ترەنينگتەر مەن سەمينارلار ۇيىمداس­­تى­رادى. قازىرگى تاڭ­دا ەلىمىزدە جۇ­مىس ىستەپ جۇرگەن جانە ءوز ءىسىن جاڭادان باستاعان كاسىپكەرلەر تارا­پى­نان اقپارات­تىق-كەڭە­س­ت­ىك جانە وقىتۋ قىزمەتتەرىنە دەگەن سۇرا­نىس وتە جوعارى ەكەنى بايقا­لا­دى. ال, ەلىمىزدەگى كاسىپ­كەر­لىككە قارجىلاي ەمەس قول­داۋ كورسەتەتىن قۇرىلىمدار (كقو, بيزنەس-ورتالىقتار, تەحنوپارك, بيزنەس-ينكۋباتور, بيزنەس-قاۋ­ىمداستىقتار ت.ب.) اقىلى نەگىزدە جۇمىس ىستەيدى. كوپ رەتتە ولار جەكەلەگەن قىزمەت تۇرلەرىن عانا ۇسىنادى, بىرەگەي ستاندارت قالىپتاسپاعان جانە كورسە­تى­لەتىن قىزمەت ساپاسى دا ارقيلى. ونىڭ ۇستىنە قىزمەت تولەماقىسى كاسىپكەرلەر مەن ءوز ءىسىن اشۋ­عا ىنتالى تۇرعىنداردىڭ كوپ­شىلىگى ءۇشىن قولجەتىمدى ەمەس. سون­دىق­تان «دامۋ» قو­رىنىڭ باس­قار­ما توراعاسى بولات مۇ­قى­شەۆ اتاپ ءوت­كەندەي, كاسىپ­كەر­لىكتى قولداۋ ورتالىقتا­رى­نىڭ كومەگىمەن بيزنەس-بىلىگىن ارتتىر­عان كاسىپكەرلەر مەن تۇرعىن­دار­دىڭ ودان ءارى قوردىڭ قارجىلىق باع­دار­لامالارى شەڭبەرىندە قارجىلاي قول­­داۋعا دا يە بولۋ مۇمكىندىگى بار. قور مۇن­داعى نەگىزگى نا­زار­دى وڭىرلىك كاسىپكەر­لىكتىڭ دامۋىنا اۋدا­را­دى, – دەيدى بولات  مۇقىشەۆ. كا­سىپكەر­لىك­تى قارجىلاي ەمەس قۇرالدارمەن قولداۋدىڭ ينفراقۇرىلىمى بيزنەستى ءجۇر­­گىزۋ پروتسەسىن جەڭىلدەتۋدە (بۋح­گال­تەر­لىك ەسەپ جۇرگىزۋ, زاڭ تۇر­عى­سىنداعى كەڭەس بەرۋ, اق­پاراتتىق تەحنولوگيالارمەن جۇمىس ءتارىزدى كومەك شارا­لا­رى ارقىلى) عانا ەمەس, سو­نى­مەن قاتار, كا­سىپ­­كەرلىك قىزمەتتىڭ ساپاسى مەن تيىمدىلىگىن ارتتىرۋدا دا (وقىتۋ, بىلىكتى كەڭەس بەرۋ ار­قىلى) ماڭىزى زور. مۇن­داي ين­فرا­قۇ­رى­لىم­دى دامىتۋ كاسىپكەرلەر مەن مەملەكەتتىك ورگاندار اراسىندا ءوزارا ءتيىمدى باي­لا­نىستى قالىپتاستىرۋعا دا جول اشادى. فاريدا بىقاي, پاۆلودار.