«جۇمىسپەن قامتۋ-2020» باعدارلاماسىن جۇزەگە اسىرۋ ماسەلەلەرىنە ارنالعان وبلىستىق كوميسسيانىڭ ماجىلىسىندە جۇمىسسىزدار سانىن ازايتۋ, تۇراقتى جۇمىس ورىندارىن اشۋ باعىتىندا اتقارىلعان شارالار ساراپقا سالىندى. وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باستىعى اسقار ساقىپكەرەەۆ ۇشقىر جوبا بويىنشا اتقارىلاتىن شارالاردى باياندادى.
جىل اياعىنا دەيىن 7000 ادامدى جۇمىسقا ورنالاستىرۋ بەلگىلەنگەن. ول ءۇشىن ەلدى مەكەندەردەگى ىقتيمال قاتىسۋشىلاردىڭ ەسەبى جاسالىپ, جۇمىسسىز جانە از قامتىلعان جانداردى وقىتۋ, ىڭعايلى ماماندىقتارعا باۋلۋ, جەرگىلىكتى جەرلەردە كاسىپكەرلىكتى ورىستەتۋ, ەڭبەك رەسۋرستارىنىڭ ۇتقىرلىعىن ارتتىرۋ ءىسى قولعا الىنعان. الەۋمەتتىك جۇمىس ورىندارىنا 400-دەن استام ادام جىبەرىلگەن. ءبىر مىڭعا تارتا ادام 45 ماماندىق بويىنشا كاسىپتىك شەبەرلىكتەرىن جەتىلدىرۋدە.
ءومىر ەسقالي,
سولتۇستىك قازاقستان وبلىسى.