ەلىمىز سىرتقى ىستەر ءمينيسترى ەرجان قازىحانوۆ نيۋ-يوركتە جۇقپايتىن اۋرۋلاردىڭ الدىن الۋ مەن باقىلاۋ جونىندەگى جوعارى دەڭگەيدەگى جينالىستا ءسوز سويلەدى, دەپ حابارلادى ءسىم-ءنىڭ ءباسپاسوز قىزمەتى.
قازىرگى قوعام تۇراقتى دامۋ مەن تۇرمىس جاعدايىنىڭ ءوزارا تىعىز بايلانىسىنداعى ساپا تۇسىنۋشىلىگىنە كەلدى. مىڭجىلدىق پەن الەۋمەتتىك دامۋ ماقساتىنداعى جۇمىستار ءومىر ءسۇرۋ ساپاسىنىڭ جاقسارا تۇسۋىنە قوسىلعان ايتارلىقتاي ۇلەس بولىپ تابىلادى. ءبىزدىڭ ماقساتىمىز – جاھاندىق كۇن ءتارتىبىنىڭ باسىم تاقىرىبىنا جانە XXI عاسىردىڭ بيىك كەدەرگىسىنە اينالعان سوزىلمالى جۇقپايتىن اۋرۋلاردان پايدا بولاتىن ەرتە ءولىم سانىنىڭ ءوسۋىن توقتاتۋ, دەدى ءوزىنىڭ سوزىندە ە.قازىحانوۆ.
مينيستر كەلەسى كەزەكتە قازاقستان جۇقپايتىن اۋرۋلاردىڭ الدىن الۋ جانە ولارعا قارسى كۇرەس جۇمىستارىندا جاھاندىق ستراتەگيانىڭ 2008-2013 جىلدارعا ارنالعان دۇنيەجۇزىلىك دەنساۋلىق ساقتاۋ ۇيىمى جوباسىنىڭ ورىندالۋىنا ۇستامدىعىن بىلدىرەتىنىن اتاپ ءوتتى. ءبىز ددۇ-نىڭ ۇلتتىق, جاھاندىق جانە اۋماقتىق دەڭگەيدەگى قابىلداپ جاتقان جۇقپايتىن اۋرۋلاردى باقىلاۋ سالاسىنداعى حالىقارالىق ارىپتەستەرمەن ىنتىماقتاستىعىن قولدايمىز. ددۇ-نىڭ عىلىمي زەرتتەۋدەگى جانە دەرەكتەردى جيناقتاۋداعى شارالارى جۇقپايتىن اۋرۋلارعا قارسى كۇرەستى جوعارى دەڭگەيگە كوتەرۋگە مۇمكىندىك بەرەر ەدى, دەدى ول.
جۇقپايتىن اۋرۋلاردىڭ سانىن ايتارلىقتاي تومەندەتۋگە باعىتتالعان ەڭ ءتيىمدى تاسىلدەردىڭ ءبىرى – قوعامدىق دەنساۋلىق ساقتاۋ سالاسىنداعى قاۋىپتى فاكتورلاردى جويۋداعى سانيتارلىق مەديتسينا شارالارىنىڭ كەڭەيۋى مەن ساپاسىنىڭ جوعارىلاۋى دەپ سانايمىز, دەپ ساباقتادى ءسوزىن قازاقستاندىق مينيستر. وسىعان بايلانىستى, دۇنيەجۇزىلىك دەنساۋلىق ساقتاۋ ۇيىمىن جانە بۇۇ بالالار قورىن 1978 جىلعى ءبىرىنشى سانيتارلىق مەديتسينا جونىندەگى الماتى دەكلاراتسياسىن دامىتۋ ۇستانىمدارى بويىنشا ونىڭ قىزمەتىن جالعاستىرۋعا شاقىرامىز. اتالعان ءبىرىنشى سانيتارلىق مەديتسينا دەكلاراتسياسى بۇگىندە اۋرۋدىڭ الدىن الۋدان باستاپ, اۋرۋ بەلگىلەرىن تاپقاننان كەيىنگى ۇزاق مەرزىمدى مەديتسينالىق جاردەم بەرۋمەن اياقتاۋ سياقتى جوعارى قىزمەت كورسەتۋدى كوزدەيدى.
قازاقستان ۇكىمەتى ۇلتتىق جوبادا جۇقپايتىن اۋرۋلارعا قارسى جۇمىس ماسەلەلەرىنىڭ باسىمدىعىن جوعارىلاتۋ جانە دەنساۋلىق ساقتاۋ جۇيەسىن نىعايتۋ ارقىلى جۇقپايتىن اۋرۋلارعا قارسى كۇرەس ساياساتىن كۇشەيتۋدى قولدايدى. ءبىزدىڭ ەلىمىزدى ددۇ شەڭبەرىندەگى كونۆەنتسيا بويىنشا تەمەكى بۇيىمدارىنا قارسى «دەنساۋلىق جانە دەنساۋلىق ساقتاۋ جۇيەسى تۋرالى» كودەكس قابىلداندى, سالاماتتى ءومىر ءسۇرۋدى ناسيحاتتايتىن «سالاماتتى قازاقستان-2010» اتتى مەملەكەتتىك باعدارلاما ءساتتى جۇزەگە اسىرىلىپ كەلەدى.
ە.قازىحانوۆ ءسوزىنىڭ اياعىندا جۇقپايتىن اۋرۋلارعا قارسى كۇرەستىڭ تۇراقتى جانە ۇزاق مەرزىمدى ۇدەرىستەرىنە كەلىسىلگەن مىڭجىلدىق پەن حالىقارالىق ماقساتتار ارقىلى جەتۋگە بولاتىنىنا سەنىم ءبىلدىردى.