كەشە پارلامەنت سەناتىنىڭ توراعاسى قايرات ءماميدىڭ ءتوراعالىق ەتۋىمەن بولعان پالاتانىڭ بيۋرو وتىرىسىندا ماجىلىستە ماقۇلدانعان زاڭ جوبالارى پالاتا كوميتەتتەرىنە ءبولىنىپ بەرىلدى, دەپ حابارلادى پارلامەنت سەناتىنىڭ ءباسپاسوز قىزمەتى.
الەۋمەتتىك-مادەني دامۋ كوميتەتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك الەۋمەتتىك تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا نەگىزگى كوميتەت بولىپ بەلگىلەندى.
قارجى جانە بيۋدجەت كوميتەتى «2007 جىلعى 6 قازانداعى كەدەن وداعىنىڭ كوميسسياسى تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن زەردەلەيتىن بولدى.
بيۋرودا بيىلعى 22 قىركۇيەكتە بولاتىن سەناتتىڭ كەزەكتى جالپى وتىرىسىنىڭ كۇن ءتارتىبى بويىنشا ۇسىنىستار دا تالقىلاندى. الداعى وتىرىستا «1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىمگە تولىقتىرۋلار ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى» جانە «1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىمنىڭ شەڭبەرىندە جەتكىزىلەتىن اسكەري ماقساتتاعى ونىمدەردىڭ نىسانالى پايدالانىلۋىن باقىلاۋدى ءجۇزەگە اسىرۋ ءتارتىبى تۋرالى حاتتاماعا تولىقتىرۋ ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى» زاڭ جوبالارىن تالقىلاۋ جوسپارلاندى. سونداي-اق «ءبىلىم تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قاراۋعا ۇسىنىلدى.
جالپى وتىرىستا, سونىمەن قاتار, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىن جەتىلدىرۋ جانە قىلمىستىق زاڭنامانى ودان ءارى ىزگىلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا قارالادى.