ەلىمىز بويىنشا جەلتوقسان ايىندا جاۋىن-شاشىن بولىپ, كەي جەرلەردە قار جاۋادى. ايدىڭ ورتاسىندا اۋا تەمپەراتۋراسى تۇندە تومەندەپ, سولتۇستىك جانە ورتالىق ايماقتارىندا 17 گرادۋسقا دەيىن سۋىتسا, وڭتۇستىكتە 3 گرادۋس نولدەن جوعارى بولادى, دەپ حابارلايدى Today.kz.
استانا قالاسىندا اۋا رايى 7-13 گرادۋس نولدەن تومەن بولادى. سينوپتيكتەردىڭ بولجامى بويىنشا, جەلتوقساننىڭ ءبىرىنشى جارتىسىندا اۋا رايى جاۋىن-شاشىندى بولۋى ىقتيمال. ال ايدىڭ ەكىنشى جارتىسىندا قۇرعاق جانە اشىق اۋا رايى ساقتالادى.
الماتىدا اۋا تەمپەراتۋراسى 7-9 گرادۋس جىلىقتى كورسەتەدى. ال ەڭ جىلى كۇنى جەلتوقساننىڭ 20-سى مەن 26-سى ارالىعىندا ساقتالىپ, كۇندىز 16 گرادۋس جىلى, تۇندە 6 گرادۋس نولدەن تومەن بولادى. دەسە دە جەلتوقساننىڭ سوڭىندا جاۋىن-شاۋىن بولىپ, اۋا تەمپەراتۋراسى نولدەن جوعارىنى كورسەتەدى.
اقمولا وبلىسىندا اۋا تەمپەراتۋراسى 8-14 گرادۋس تومەندىكتى قۇرايدى. بۇكىل ءبىر اي بويى كوشپەلى بۇلت شىعىپ, قار جاۋادى. ايدىڭ ءبىرىنشى ونكۇندىگىندە اۋا تەمپەراتۋراسى 8-16 گرادۋس, ەكىنشى ونكۇندىكتە كۇن سۋىتىپ, كۇندىز 21 گرادۋس, تۇندە 25 گرادۋس نولدەن تومەن اۋا رايى ساقتالادى.
اقتوبە وبلىسىندا اي بويى 8-10 گرادۋس سۋىقتىقتى كورسەتەدى. جەلتوقساننىڭ باسىندا كەيبىر جەرلەردە قاتتى قار جاۋىپ, اۋا تەمپەراتۋراسى كۇندىز 1-11 گرادۋسقا دەيىن تومەندەپ, تۇندە 16 گرادۋسقا دەيىن سۋىق بولادى. ايدىڭ ەڭ سۋىق كۇنى جەلتوقساننىڭ 15-ءى. بۇل كۇنى كۇندىز 11 گرادۋس, تۇندە 22 گرادۋسقا دەيىن تومەندەپ, اياز بولادى.
الماتى وبلىسىندا ايدىڭ ورتاشا تەمپەراتۋراسى 5-7 گرادۋس جىلىلىقتى كورسەتەدى. ايدىڭ ءبىرىنشى ونكۇندىگىندە اۋا رايى سۋىق بولىپ, كەيبىر جەرلەردە جاۋىن-شاشىن بولادى. ايدىڭ ەڭ جوعارعى تەمپەراتۋراسى جەلتوقساننىڭ 29-ى كۇنى 9 گرادۋس جىلىلىقتى كورسەتەدى
اتىراۋ وبلىسىندا اۋا تەمپەراتۋراسى 3-5 گرادۋستى قۇرايدى. ايدىڭ ءبىرىنشى ونكۇندىگىندە جاۋىن-شاشىن بولىپ, كۇندىز 2 گرادۋسقا دەيىن جىلى بولادى. ەكىنشى ونكۇندىكتە كۇن سۋىتىپ, كەيبىر جەرلەردە تۇراقسىز اۋا رايى ساقتالادى.
باتىس قازاقستان وبلىسىندا اۋا رايى 11 گرادۋس سۋىقتىقتى كورسەتەدى. جەلتوقساننىڭ العاشقى كۇندەرى كۇن اشىق بولىپ, كۇندىز اۋا تەمپەراتۋراسى 6 گرادۋسقا دەيىن تومەندەيدى. ايدىڭ ەكىنشى ونكۇندىگىنىڭ ورتاسىندا 1 گرادۋسقا دەيىن جىلى بولىپ, ءۇشىنشى ونكۇندىككە دەيىن قاتتى جەل ساقتالادى. ايدىڭ بىتۋىنە ون كۇن قالعاندا جاۋىن-شاشىن بولمايدى, ەڭ جوعارعى اۋا تەمپەراتۋراسى كۇندىز 4-6 گرادۋسقا تومەندەيدى. ايدىڭ ەڭ سۋىق كۇندەرى جەلتوقساننىڭ 27-ءسى. بۇل كۇنى كۇندىز 15 گرادۋس, تۇندە 16 گرادۋس تومەندىكتى كورسەتىپ, اياز بولادى.
جامبىل وبلىسىندا ايدىڭ ورتاشا تەمپەراتۋراسى 5-9 گرادۋس جىلىقتى كورسەتەدى. كۇن اشىق, قۇرعاق بولىپ, جاۋىن-شاشىن كۇتىلمەيدى. ەكىنشى ونكۇندىكتى قوسپاعاندا, اي بويى قۇرعاق اۋا رايى بولادى دەپ كۇتىلۋدە. جەلتوقساننىڭ باسىندا ەڭ جىلى كۇندەر بولادى. كۇندىز 8-9 گرادۋس, تۇندە 1-3 گرادۋسقا دەيىن اۋا تەمپەراتۋراسى جوعارىلايدى. ايدىڭ ەكىنشى ونكۇندىگىنىڭ باسىندا جىلىلىق ساقتالىپ, كۇندىز 5-6 گرادۋس, تۇندە 1-2 گرادۋس جوعارىلىقتى كورسەتەدى. ايدىڭ ەڭ سوڭعى شەشۋشى ونكۇندىگىندە اۋا تەمپەراتۋراسى كۇندىز 7-12 گرادۋس جىلى بولادى. اي جىلى, ءارى اشىق اۋا رايىمەن اياقتالادى. كۇندىز 5-7 گرادۋس جوعارىلىقتى كورسەتىپ, جەلتوقساننىڭ 27-ءسى مەن 28-ءى كۇندەرى جاۋىن-شاشىن بولادى دەپ كۇتىلۋدە.
قاراعاندى وبلىسىندا اۋا تەمپەراتۋراسى 11 گرادۋس سۋىقتىقتى كورسەتەدى. جەلتوقسان ايىنىڭ باسىنان ورتاسىنا دەيىن كوشپەلى بۇلت شىعىپ,قاتتى جاۋىن-شاشىن مەن قار جاۋىپ,جولداردا كوكتايعاق ورىن الادى. سۋىق اۋا تەمپەراتۋراسى جەلتوقساننىڭ 12-ءسى مەن 13-ءى كۇندەرى بولادى. بۇل كۇندەرى تەرمومەتر باعانى كۇندىز 14 گرادۋس, تۇندە 17 گرادۋسقا دەيىن نولدەن تومەن بولادى.
قوستاناي وبلىسىندا ايدىڭ ورتاشا تەمپەراتۋراسى 14-16 گرادۋس بولادى. جەلتوقسان ايىندا كوشپەلى بۇلت شىعىپ, قار جاۋادى دەپ كۇتىلۋدە. ءبىرىنشى ونكۇندىكتە اۋا تەمپەراتۋراسى 10-12 گرادۋس سۋىقتىقتى كورسەتسە, ەكىنشى ونكۇندىكتىڭ ورتاسىندا كۇندىز 26 گرادۋس, تۇندە 30 گرادۋسقا دەيىن كۇن سۋىتادى.
قىزىلوردا وبلىسىندا اۋا رايى 2-4 گرادۋس جىلىلىقتى كورسەتەدى. ايدىڭ باسىندا ازداعان جاڭبىر جاۋىپ, كوشپەلى بۇلت شىعىپ, كۇندىز بەس گرادۋسقا دەيىن جىلى بولادى. ەكىنشى ونكۇندىكتىڭ باسىندا جاۋىن-شاشىن ساقتالىپ, تۇندە 6 گرادۋسقا دەيىن سۋىتىپ, ۇسىك ءجۇرۋى مۇمكىن.
ماڭعىستاۋ وبلىسىندا ايدىڭ ورتاشا تەمپەراتۋراسى 4-6 گرادۋس جىلىلىقتى كورسەتەدى. ايدىڭ باسىندا جاۋىن-شاشىن بولىپ, كوشپەلى بۇلت شىعادى. ەڭ جوعارعى تەمپەراتۋرا كۇندىز 8 گرادۋس, تۇندە 4 گرادۋس جىلى بولادى. ايدىڭ ورتاسىندا جاۋىن-شاشىنسىز, كۇن اشىق, كۇندىز 10 گرادۋس, تۇندە 3-5 گرادۋس نولدەن جوعارى.
وڭتۇستىك قازاقستان وبلىسىندا اۋا تەمپەراتۋراسى 7-9 گرادۋس جىلىلىقتى كورسەتەدى. ايدىڭ ءبىرىنشى ونكۇندىگىندە ايماقتا جاۋىن بولىپ, كۇندىز 14 گرادۋسقا دەيىن جىلى بولادى.جەلتوقسان ايىنىڭ ەكىنشى ونكۇندىكتىڭ اياعىنان سوڭعى ونكۇندىكتىڭ اياعىنا دەيىن, جىلى, قۇرعاق اۋا رايى ساقتالادى.
پاۆلودار وبلىسىندا ايدىڭ ورتاشا تەمپەراتۋراسى 10-12 گرادۋس سۋىقتىقتى كورسەتەدى. جەلتوقساننىڭ ورتاسىنا دەيىن جاۋىن-شاشىن ساقتالادى. بۇل كۇندەرى كۇندىز 18 گرادۋس, تۇندە 22 گرادۋسقا دەيىن تومەندەيدى. وسىدان كەيىن ايماققا جىلى اۋا تسيكلوندارى كەلەدى. تەرمومەتر باعانى 7 گرادۋس تومەندىكتى كورسەتەدى.
سولتۇستىك قازاقستان وبلىسىندا اۋا رايى 15-17 گرادۋس سۋىقتىقتى كورسەتەدى.قىستىڭ ءبىرىنشى ايىندا وبلىسقا جاۋىن-شاشىنمەن ارالاسقان قار تۇسەدى. ايدىڭ سوڭىنا دەيىن جاڭبىرلى جانە سۋىق اۋا رايى ساقتالىپ, كۇندىز 3-20 گرادۋس, تۇندە 26 گرادۋسقا دەيىن نولدەن تومەن بولادى.
شىعىس قازاقستان وبلىسىندا ايدىڭ ورتاشا تەمپەراتۋراسى 5-7 گرادۋس سۋىقتىقتى كورسەتەدى. ايدىڭ باسىندا جاۋىن-شاشىن تۇسەدى. ەڭ سۋىق كۇندەر جەلتوقسان ايىنىڭ 20-ى مەن 21-ءى. كۇندىز 6 گرادۋس, تۇندە 15 گرادۋسقا دەيىن سۋىقتىقتى كورسەتەدى. ەكىنشى جانە ءۇشىنشى ونكۇندىكتىڭ باسىندا اشىق اۋا رايى بولجانىپ, ودان كەيىن بىردەن جاۋىن-شاشىن بولىپ, كوكتايعاق ورىن الادى.